13:58, 25 Mart 2019 (Bazar ertəsi) 178

Dağlarda qar yağacaq

Dağlarda qar yağacaq
Martın 26-da Bakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənir. Lakin gecə bəzi yerlərdə yağış yağacağı ehtimalı var. Mülayim şimal-qərb küləyinin əsəcəyi, gündüz şimal-şərq küləyi ilə əvəzlənəcəyi təxmin edilir.

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Bakıda gecə 3-5, gündüz 8-10 dərəcə isti proqnozlaşdırılır.

Azərbaycan bəzi rayonlarında da yağış, dağlıq ərazilərdə qar yağacağı ehtimalı var. Gecə 2-6, gündüz 8-13 dərəcə isti, dağlarda gecə 0-5 dərəcə şaxta, gündüz 3-6 dərəcə isti təxmin edilir.