12:55, 04 Dekabr 2019 (Çərşənbə) 95

ABŞ-ın İraqdakı 5 hərbi bazası raket atəşinə tutulub

ABŞ-ın İraqdakı 5 hərbi bazası raket atəşinə tutulub


/ DÜNYA
İraqın qərbindəki Anbar əyalətində yerləşən ABŞ-ın 5 hərbi bazası raket atəşinə tutulub.

Məlumatı "Mehr” agentliyi yayıb.

Bildirilib ki, Anbardakı Ayn-əl-Əsəd rayonundakı hərbi bazaların raket atəşinə tutulması nəticəsində itki və dağıntı olmayıb.

Məlumata görə, həmin hərbi hissələrdə terrorçu İŞİD-ə qarşı mübarizə aparmaq məqsədilə 5 min ABŞ hərbçisi yerləşdirilir.

İŞİD 2014-cü ildə Mosul şəhəri də daxil olmaqla İraq ərazisinin üçdə birini ələ keçirmişdi. 2017-ci ilin dekabrında həmin ərazilərin böyük hissəsi bu terrorçu qruplaşmadan təmizlənib. Bununla belə, onların Kərkük, Diyala, Səlahəddin və Anbar əyalətləri ətrafına hücumlarının davam etdiyi bildirilir.