18:09, 20 Dekabr 2018 (Cümə axşamı) 344

ABŞ-ın Suriyadan çıxmasına dünya ölkələrinin reaksiyası

ABŞ-ın Suriyadan çıxmasına dünya ölkələrinin reaksiyası
ABŞ Prezidenti Donald Tramp dekabrın 19-da şəxsi "twitter” hesabında Amerikan əsgərlərinin Suriya ərazisini tərk etməyə başlayacaqlarını yazıb.

Dünya ölkələri isə bu qərarı birmənalı qarşılamayıb.

Rusiya prezidenti Vladimir Putin hər ilin sonu keçirdiyi ənənəvi mətbuat konfransıda, ABŞ-ın Suriyadan çıxacağına inanmadığını bildirib.
 

"Amerika daha əvvəl Əfqanistandan da çəkiləcəyini demişdi, amma hələ də ordadılar”, - deyə Putin qeyd edib.

İsrail prezidenti Benjamin Netanyahu, ABŞ getsə belə Suriyadakı İran varlığına qarşı son dərəcə aqressiv davranacaqlarını deyib.
 
 
Bunu Netanyahu dekabrın 20-də verdiyi yazılı açıqlamasında bildirib.

Fransanın müdafiə naziri Florence Parly sosial media hesabında, İŞİD-in tam məğlub edilməsinin vacib olduğunu bildirib:
 
 
"İŞİD nə xəritədən silindi, nə də kökləri qazındı. Bu terror qruplaşmasının əlində olan son torpaq parçalarında da məğlub olması lazımdır”.

Fransa prezidenti Emmanuel Makron "ABŞ Suriyadan çıxsa, ABŞ-ın nəzarətindəki ərazilərə biz daxil olacağıq”, - deyə qeyd edib.
 

Almaniya rəsmiləri isə ABŞ-ın Suriyadan çəkilməsinin lüzumsuz olduğunu, İŞİD-ə qarşı olan savaşı təhlükəyə atacağını bildirib.

"İŞİD geri çəkilmiş ola bilər, amma təhlükə hələ də keçməyib. Trampın bu qərarı İŞİD-ə qarşı verdiyimiz savaşı təhlükəyə atır”, – Almaniya xarici işlər naziri Heiko Maas deyib.
 

Məsələyə hələ münasibət bildirməyən Türkiyə isə  ABŞ-ın Suriyadan çıxmasını ən çox dəstəkləyən ölkə kimi tanınır.

Tramp "Twitter” hesabında paylaşdığı bildirişdə İŞİD-i məğlub etdiklərini və əsgərlərinin evə dönmək vaxtı gəldiyini qeyd etmişdi.

Uğur Fərzalı
Toplum.Tv