19:25, 09 İyun 2019 (Bazar) 73

Abşeronda elektrik xəttində partlayış olub

Abşeronda elektrik xəttində partlayış olub
Abşeron rayonunda elektrik xəttində baş vermiş partlayış yanğına səbəb olub.

Bu barədə "Report.az” xəbər verir.

Xəbərdə deyilir ki, hadisə Saray qəsəbəsinin üzümlük yaşayış massivində baş verib.

Elektrik xəttində qısaqapanma nəticəsində yaxınlıqdakı quru otluq ərazi yanmağa başlayıb. Havanın küləkli olması alovun əhatə dairəsini genişləndirib. Dərhal əraziyə FHN-in Dövlət Yanğından Mühafizə hissəsinin texnika və canlı qüvvəsi cəlb olunub. Hazırda alovun, yaxınlıqda olan yaşayış evlərinə keçməsinin qarşısının alınması istiqamətində əməliyyat həyata keçirilir.