Siyasət

ADR Hərəkatının fəalları kütləvi şəkildə polisə çağırılır

12 Noyabr, 2019
411
Azərbaycan Demokratiya və Rifah (ADR) Hərəkatı son günlər təşkilat fəallarına qarşı təzyiqlərin olduğunu və onların polisə çağırıldığını bildirib.
 
Bu barədə Turan informasiya agentliyi məlumat yayıb.

Məlumatda bildirilir ki, əsasən ötən gün ADR Hərəkatı sədrinin müavini Ellada Məmmədli "tanışlıq üçün” Xətai Rayon Polis İdarəsinə aparılıb.
 
Üçsaatlıq söhbət zamanı bildiriblər ki, onun fəaliyyətini çoxdan izləyirlər, daim müşahidə altındadır. Sosial şəbəkələrdəki fəaliyyətini (yalnız statuslarını deyil, paylaşdıqlarını da) izləyirlər. Profilaktika və təhdid xarakterli söhbətdən sonra E.Məmmədlini sərbəst buraxıblar.

ADR Hərəkatı sədrinin digər müavini  Ədalət Yusuba Nərimanov polisindən telefon edərək ictimai-siyasi fəaliyyəti ilə bağlı suallar verilib, tezliklə görüşəcəklərini bildiriblər.

ADR Hərəkatı İdarə Heyətinin üzvü Rövşən Dəmirli Suraxanı Rayon Polis İdarəsinin Hövsandakı  30-cu polis bölməsinə çağırılıb və sorğu-sual edildikdən sonra sərbəst buraxılıb. 

ADR Hərəkatının üzvü qocaman riyaziyyat müəllimi Ənvər Ağamalızadə Suraxanı Polis İdarəsinin 33-cü bölməsinə çağırılıb. Onun bütün qohumları barədə soruşublar, onları  siyahıya alıblar və  onu 2 saat sorğu-sual ediblər. Ə.Ağamalızadə 19 oktyabr miitnqində də saxlanılmışdı.

ADR  Hərəkatı Binəqədi rayon təşkilatının sədri Arif Əzizzadə, həmçinin fəallar  Rauf Səlimov və Amid Süleymanov  yerli polisdə sorğu-sual ediliblər.

Göyçay  rayon təşkilatının sədri Hikmət Qasımlı da  "profilaktik söhbət” üçün polisə çağırılıb. 

ADR Hərəkatının 12 noyabr  tarixli bəyanatında deyilir ki, kütləvi həbslər, insanların izlənməsi, polis idarələrinə çağırılması və hədələnməsi, işgəncə faktlarının artması "kriminallaşmış avtoritat rejimin ölkəni xaosa, vətəndaş qarşıdurmasına sürükləməsi təhlükəsi ilə üz-üzə qoyur”. 

Baş verənlər fikir azadlığına qəsd, şəxsi həyata müdaxilə kimi qiymətləndirilir. 

ADR Hərəkatı hakimiyyəti qanunlara hörmət etməyə, öz üzərinə götürdüyü beynəlxalq öhdəliklərə əməl etməyə, vətəndaşlara qarşı apardığı izlənmə, təqib və işgəncə faktlarını dərhal dayandırmağa çağırır, yaranacaq hər hansı xoşagəlməz nəticənin məsuliyyətinin hökumətin üzərinə düşəcəyini bəyan edir. 

ADR Hərəkatı 2016-cı ilin fevralında yaradılıb. Təşkilatın rəhbəri tanınmış siyasətçi və iqtisadçı Qubad İbadoğludur.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo