16:54, 21 Noyabr 2020 (Şənbə) 127

Armen Sərkisyan: “Azərbaycana təkcə döyüş meydanında məğlub olmadıq”

Armen Sərkisyan: “Azərbaycana təkcə döyüş meydanında məğlub olmadıq”


/ DÜNYA
"Azərbaycana təkcə döyüş meydanında məğlub olmadıq”. Ermənistan prezidenti Armen Sarkisyan  noyabrın 20-də "Aravot" qəzetinə verdiyi müsahibədə  "Ermənistan niyə Qarabağ müharibəsində məğlub oldu?” sualını cavablandırarkən belə deyib. 

Onun sözlərinə görə, bu illər ərzində Ermənistan Azərbaycana müqavimət göstərə biləcək bir ordu yarada bilməyib. 

Sarkisyana deyib ki, Ermənistan nəinki döyüş sahəsindəki müharibəni, eyni zamanda demoqrafik müharibəni də uduzub.

"1994-cü ildə bütün dünya, o cümlədən avropalılar da, NATO da güclü orduya sahib olduğumuzu düşünürdü. O zaman Artsaxın  əhalisi 100 mindən bir az çox idi, 26 ildən sonra - 100 və ya 130-150 min olaraq qalıb. Bu demoqrafik müharibədə də məğlub olduq. Düşünürəm ki, 26 ildə orada 500 və ya 600 min insan məskunlaşa bilərdi. Necə olacağını müzakirə etmək istəmirəm, amma bunun mümkün ola biləcəyinə əmin idim. Ancaq bu baş vermədi" - deyə, Sarkisyan bildirib.

Ermənistan prezidenti  hesab edir ki, ölkəsi  diplomatik cəbhədə də məğlub olub.

"Diplomatik korpuslarımız üç-dörd qat daha çox maliyyələşdirilməli idi. Azərbaycan və Türkiyə diplomatiyalarını gücləndirmək üçün heç nəyi əsirgəmədilər”. 

Sarkisyan erməni mediasını tənqid edərək işlərinin çox vaxt əsassız, emosional, məntiqsiz, "Feysbuk”un məlumatlarını "kopyala-yapışdır" prinsipi ilə işlədiklərini bildirib.

Bundan əlavə, o, ölkədə informasiya texnologiyaları sahəsinin inkişaf etdirildiyi fikri ilə də razılaşmayıb. "Ermənistanda elm  topaldır” - Sərkisyan belə deyib.