Siyasət

''Avropa Birliyində anlayırlar ki, Azərbaycanda iqtisadiyyat hakim ailənin inhisarındadır''

13 İyun, 2019
479
Azər Qasımlı: "Brüssel Bakının əlinə sazişin imzalanmaması üçün bəhanə düşməməsinə çalışır”

Avropa İttifaqının (Aİ) genişlənmə və qonşuluq siyasəti üzrə komissarı Yohannes Han Bakını Brüssel üçün "mühüm tərəfdaş” adlandırıb.

Yohannes Han bildirib ki, Avropa İttifaqı Azərbaycan iqtisadiyyatının şaxələndirilməsinə dəstək verməyə davam edəcək:

"Azərbaycan qeyri-neft sektorunu inkişaf etdirərək doğru yol seçib. Biz bu səyləri dəstəkləyəcəyik”.

Komissar bu barədə iyunun 13-də Bakıda keçirilən Azərbaycan-Aİ biznes forumunda jurnalistlərin suallarına cavab verərkən danışıb.

Yohannes Han Azərbaycanla aviasiya sazişinin bu il imzalayacaqlarına ümid etdiyini qeyd edib:

"Avropa İttifaqı ilə Azərbaycan arasında yeni saziş ərsəyə gələn kimi, bu, iqtisadi imkanların artmasına da yardım edəcək".

Komissar iyunun 12-də Bakı ilə Brüssel arasında danışıqların final mərhələsində olduğunu bildirmişdi. Bu mənada Yohannes Hanın mövqeyi maraq doğurur.

ReAL Partiyasının Məclis başqanı Azər Qasımlı Yohannes Hanın yeni heç nə söyləmədiyini və səslənən fikirlərin uzun müddətdir təkrarlandığını bildirib. O, Avropa İttifaqının xarici siyasət və təhlükəsizlik məsələləri üzrə ali nümayəndəsi Federiko Mogerinin cari ilin əvvəlində Bakı ilə Brüssel arasında imzalanacaq saziş barədə açıqlamasını xatırladıb.

Azər Qasımlı hesab edir ki, Avropa Birliyi Azərbaycanla saziş imzalamaq istəyir: "Amma Brüssel Bakının əlinə sazişin imzalanmaması üçün bəhanə düşməməsinə çalışır. Ona görə bu tipli bəyanatlar dəfələrlə verilir. Təbii ki, onlar özləri də bəyanatlarının reallığa tam şəkildə uyğun olmadığını bilirlər. Məsələ ondadır ki, Azərbaycanda biznesin ümumi vəziyyəti, investisiya mühiti ürəkaçan deyil və Brüssel diplomatlarına bu bəllidir. 2016-cı ildən sonra Azərbaycanda idarəçilik avtoritar oliqarxiyadan ailə avtoritarizmə istiqamətlənib və bu, iqtisadiyyatda özünü bilavasitə göstərir. Bank, sığorta, qida, tikinti və digər sektorlar artıq nazir oliqarxların əlində deyil, iqtisadi sferada dairə daralıb. Avropa Birliyində də çox gözəl anlayırlar ki, Azərbaycanda iqtisadiyyat hakim ailənin inhisarındadır, aşağı hissədə bir qədər nəfəslik qalıb. Ola bilsin ki, Azərbaycan bazarına bir sıra şirkətlər buraxsınlar, amma bu da biznes mühitinin olmasına, yaxud iqtisadiyyatın şaxələnməsi anlamına gəlmir. Komissar Hanın açıqlaması isə Brüsselin indiki tərkibinin son akkordlarıdır, çünki Avropa Parlamentinə seçkilərin nəticələri yeni adamların gələcəyini göstərir. Ona görə də bu bəyanata ciddi yanaşmıram”.
 
Meydan.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo