Siyasət

AXCP üzvlərinin apelyasiya şikayətinə baxılıb

30 Avqust, 2019
451
Avqustun 29-da Bakı Apelyasiya Məhkəməsində AXCP üzvləri Ceyhun Novruzovun 10, Vilayət Məmmədovun isə 30 sutkalıq inzibati həbsi barədə qərarlardan verilmiş şikayətə baxılıb. 

BU barədə "Meydan.Tv" xəbər verib.

Xəbərdə deyilir ki, C.Novruzovun şikayətini hakim Qədim Babayev, V.Məmmədovun şikayətini isə Kamran Əkbərov araşdırıb. Hər iki hakim birinci instansiya məhkəmələrinin qərarlarını qüvvədə saxlayıb.

Məhkəmədə cəbhəçilər barələrindəki həbs qərarının qanunsuz və əsassız olduğunu bildiriblər.

C.Novruzov xırda xuliqanlıq ittihamıyla cəzalandırılıb. İddia edilir ki, qonşusu ondan polis bölməsinə şikayət edib.

C.Novruzov isə bildirib ki, yalandır, qonşuluğunda elə bir adam yaşamır:

"Guya məndən şikayət edən qonşum kimi təqdim olunan adam birinci instansiya məhkəməsində harada yaşadığımı deyə bilmədi. Bu adam heç öz atasının adını deyə bilmədi. Axırda şəxsiyyət vəsiqəsini gətirib tapdılar".

Digər cəbhəçi V.Məmmədov da apelyasiya şikayətində göstərib ki, küçədə gedərkən telefonda kimisə söyməsi, bu vaxt onu sakitləşdirməyə çalışan polislərə tabe olmaması barədə yazılanlar yalandır. Onun sözlərinə görə, həmin gün Cahangir adlı polis tanışından başqa heç kimlə telefonla danışmayıb. Cahangir də ona zəng edib, görüşüblər, birlikdə Binəqədi Rayon Polis İdarəsinə gediblər. Orada da barəsində küçədə söyüş söyməsi, polisin tələbinə tabe olmaması haqda inzibati xəta protokolu tərtib olunub:

"Telefon danışıqları yoxlansa, görünər ki, başqa heç kimlə danışmamışam. Heç kimlə danışmamışamsa, kimisə necə söyə bilərəm?"

Hər iki cəbhəçi barələrindəki həbs qərarından Ali Məhkəməyə şikayət edəcək.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo