Siyasət

Azərbaycan Dağlıq Qarabağda referendumun keçirilməsinə razılıq vermişdi?

14 Yanvar, 2021
549
İqor Popov
FOTO: "Photolur"

ATƏT-in Minsk Qrupunun həmsədri, Rusiya XİN-in xüsusi tapşırıqlar üzrə səfiri İqor Popov Ermənistanın baş naziri Nikol Paşinyanın iddialarını təkzib edib.  Rusiyalı diplomat deyib ki, Moskva Dağlıq Qarabağ münaqişənin həlli çərçivəsində 7 rayonu Azərbaycana "elə-belə" qaytarmaq və qondarma "DQR"-nin statusunu unutmaq kimi bir təklif irəli sürməyib. 

"RİA Novosti"nin yanvarın 13-də verdiyi xəbərə görə, İqor Popovun bu barədəki açıqlaması Rusiyanın Xarici İşlər Nazirliyinin saytında dərc olunub.  

Nikol Paşinyanın bir müddət əvvəl dərc olunan "44 günlük müharibənin nəticələri" məqaləsində bildirilirdi ki, Rusiyanın münaqişənin tənzimlənməsinə dair təkliflərində Dağlıq Qarabağın statusu məsələsinə toxunulmurdu və söhbət yalnız 7 rayonun Azərbaycana qaytarılmasından gedirdi.

Popov isə açıqlamasında bildirib ki, baş nazir Rusiyanın təklifləri deyərkən, böyük ehtimalla, münaqişənin mərhələli tənzimlənməsi planını nəzərdə tutur. Bu təklifin son variantını ATƏT-in Minsk Qrupunun həmsədrləri tərəflərə 2019-cu ilin iyununda təqdim etmişdilər. Bu sənədlərdə birinci mərhələdə Azərbaycana 5 rayonun qaytarılması, ikinci mərhələdə isə "Dağlıq Qarabağın statusunun müəyyənləşdirilməsi ilə əlaqəli şəkildə daha 2 rayonun qaytarılması” nəzərdə tutulurdu. Əksərən Kazan sənədi ilə üst-üstə düşən bu planın əsasını Dağlıq Qarabağ tənzimlənməsinin baza prinsipləri təşkil edirdi. Bundan başqa təklif "DQR"-ə əhalisinin tam həyat fəaliyyətinin təmin edilməsi hüququnun verilməsiylə, Qarabağ nümayəndələrinin ATƏT-in iclaslarında iştirak etməsi, blokadanın aradan qaldırılması, sərhədlərin açılması, tərəflərin gücdən istifadəni dayandırmaq barədə qərarlar verməsi kimi məsələləri  ehtiva edirdi. 

"Ona görə də Rusiyanın yeddi rayonu "elə-belə" verməyi, status məsələsini unutmağı və sakitləşməyi təklif etdiyinə dair iddia həqiqəti əks etdirmir" - deyə, Popovun XİN-in saytında dərc olunan açıqlamasında deyilib. 

Popov qeyd edib ki, təklifdə son məqsəd kimi Dağlıq Qarabağın yekun hüquqi statusunun BMT və ya ATƏT-in egidası altında tərəflərin müəyyənləşdirdiyi vaxtda "Dağlıq Qarabağ əhalisinin azad iradəsini ifadə edən və beynəlxalq hüququn norma və prinsiplərinə uyğun olaraq məcburi xarakter daşıyan" ümumxalq səsverməsi ilə müəyyənləşdirilməsi öz əksini tapmışdı. Bununla yanaşı, təklifdə deyilirdi ki, səsverməyə çıxarılacaq sual və suallara "heç bir məhdudiyyət qoyulmayacaq", səsvermədən çıxan nəticəyə isə "tərəflər hörmət edəcəklər". 

"Yeri gəlmişkən, Laçın dəhlizinin eni və statusuna yalnız ikinci mərhələdə, Kəlbəcər və Laçın rayonlarının Azərbaycana qaytarılması nəzərə alınmaqla baxılmalı idi. Nə Ermənistan, nə də Azərbaycan tərəfi bu təkliflərdən imtina etməmişdi, ancaq sonda yenə də nəticə əldə etmək mümkün olmadı. Amma əsas olan o idi ki, danışıqlar müntəzəm şəkildə davam edirdi. 2018-ci ildə Ermənistanın yeni yanaşmalar tətbiq etdiyi ana qədər", - deyə İqor Popov açıqlamasında deyib. 

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo