17:26, 02 İyul 2019 (Çərşənbə axşamı) 58

Azərbaycan pasportu nə qədər tanınır?

Azərbaycan pasportu nə qədər tanınır?
İyulun 2-də Henley Pasport İndeksi açıqlanıb.

Bu barədə Azadlıq Radiosu xəbər verir.

Xəbərdə deyilir ki, bu indeks müxtəlif ölkələrin pasportlarını öncə viza əldə etmədən mümkün səyahət məkanlarının sayına görə sıralayır. Reytinq Beynəlxalq Hava Nəqliyyatı Assosiasiyasından (IATA) əldə olunan informasiya əsasında tərtib olunur.

Budəfəki indeks 199 pasport və 227 səyahət məkanı üzrə dəyərləndirilib. Buraya mikroölkələr və ərazilər daxildir.

Azərbaycan pasportu 78-ci yerdədir, onunla 66 ölkəyə öncə viza almadan getmək mümkündür.

Qonşulardan Rusiya 51 (116 ölkə), Gürcüstan 52 (113), Ermənistan 84 (60), İran 101-ci (39) yerdədir.

Müqayisə üçün 6-cı yerdə olan Birləşmiş Ştatların pasportu ilə 116 məkana vizasız səyahət etmək olar.