22:51, 07 Fevral 2019 (Cümə axşamı) 490

BNA cərimələdiyi sürücülərin sayını açıqlayıb

BNA cərimələdiyi sürücülərin sayını açıqlayıb
"Bu günə qədər 73 minə yaxın sürücü cərimələnib”.

"Report” xəbər verir ki, bunu BNA İdarə Heyətinin sədri Vüsal Kərimli "ASAN radio"nun "QəbuldASAN” verilişində bildirib.

Onun sözlərinə görə, BNA-nın iki həftə ərzidə 54 min sürücünü cərimələdiyini deyirlər: "54 min nəfər nəqliyyat vasitəsini almaq imkanı olan insanlardır. Biz 54 min insanın narazılığına qulaq asmalıyıq, yoxsa ictimai nəqliyyatdan istifadə edənlərin? Cərimə 20 AZN-dir, əgər üç gündə ödənilirsə bu, 18 AZN olur: "Hazırda 73 min nəfərin cəriməsi araşdırılır. Ola bilsin ki, nömrələrində problemlər mövcuddur. Şikayətçiləri qəbul edib, onların tələblərini nəzərə alırıq".

V.Kərimli dayanacaqlarla bağlı məsələdən də danışıb: "Hazırda dayanacaqlarla əlaqədar işi yekunlaşdırmaq üzrəyik. Belə ki, intellektual kameraların quraşdırılması nəzərdə tutulur. Bu, şəhərin bütün dayanacaqlarında təşkil ediləcək. Məqsədimiz işi il ərzində yekunlaşdırmaqdır. Martın ortalarında Yeni Yasamalda, əsasən Şərifzadə küçəsində bu istiqamətlərdə kameralar quraşdırılacaq”.