12:10, 19 Fevral 2020 (Çərşənbə) 63

Cənubi Koreyanın sabiq prezidenti 17 il müddətinə azadlıqdan məhrum edilib

Cənubi Koreyanın sabiq prezidenti 17 il müddətinə azadlıqdan məhrum edilib


/ DÜNYA
Seul Məhkəməsi Cənubi Koreyanın sabiq prezidenti Li Myung Bakı 17 il müddətində azadlıqdan məhrum edib.

APA-nın xəbərinə görə, bu barədə "Yonhap” agentliyi məlumat yayıb.

Sabiq prezident mənimsəmədə və külli miqdarda rüşvət almaqda ittiham olunub.

Məhkəmə 78 yaşlı Li Myung Bakı 15,7 milyon dollar məbləğində cərimələyib. Sabiq prezident məhkəmə zalında həbs edilib.

Daha əvvəl də Li Myung Bak korrupsiyada və rüşvətdə ittiham olunub. 2018-ci il mart ayının 22-də həbs olunan sabiq prezident 5 oktyabrda Seul Məhkəməsinin qərarı ilə 15 il müddətinə azadlıqdan məhrum edilib. Lakin 2019-cu ilin mart ayında səhhətinin pisləşməsi səbəbindən girov müqabilində azadlığa buraxılıb.  

Li Myung Bak 2008-2013-cü illərdə Cənubi Koreyaya rəhbərlik edib.