10:19, 14 İyun 2019 (Cümə) 41

Ceyhun Bayramov: "Təmayül siniflərini bitirən məzunlar qəbulda daha yüksək nəticələr göstərirlər"

Ceyhun Bayramov:
"İlkin təhlillər göstərir ki, təmayül siniflərini bitirən məzunlar ali məktəblərə qəbulda daha yüksək nəticələr əldə edirlər və akademik nailiyyətləri ilə fərqlənirlər”.

"Report” xəbər verir ki, bunu Təhsil naziri deyib.

Nazir xatırladıb ki, hazırda 2 140 sinifdə 47 930 şagird təmayüllər üzrə təhsilə cəlb edilib: "Bu da X-XI siniflərdə təhsil alan şagirdlərin, təxminən, 30 faizini təşkil edir. Təmayül siniflər üçün tədris planları və proqramları hazırlanmış və tətbiq edilib”.

O qeyd edib ki, qarşıda ölkə üzrə təmayülləşmənin tətbiqi vəziyyətinin təhlili, əhatə dairəsinin daha da genişləndirilməsi, təmayül sinifləri üçün yeni proqram və dərsliklərin hazırlanması, peşəkar və səriştəli müəllimlərin cəlb edilməsi ilə bağlı tədbirlərin həyata keçirilməsi vəzifəsi dayanır.