19:31, 02 Avqust 2019 (Cümə) 118

Cocuq Mərcanlı sakinləri tibbi müayinədən keçirilib

Cocuq Mərcanlı sakinləri tibbi müayinədən keçirilib
Cocuq Mərcanlı sakinləri tibbi müayinədən keçirilib və lazımi dərman preparatları ilə təmin olunub. 

Bu barədə Dövlət Sərhəd Xidmətinin (DSX) Hərbi Hospitalının rəisi Kənan Yusifzadə "Report"-a məlumat verib.

K.Yusifzadə bildirib ki, tədbirdə respublikanın müxtəlif tibb müəssisələrindən 200-ə yaxın həkim iştirak edib: "Dövlət Sərhəd Xidmətinin rəisi Elçin Quliyevin göstərişi ilə cəbhə bölgəsində, Cocuq Mərcanlı kəndində Dövlət sərhədinin mühafizəsinin 100 illiyinə həsr olunan Hərbi səhra döyüş travması simpoziumu və travma kursu tədbiri keçirildi. Tədbir DSX-nin Hərbi Hospitalı və Hərbi Cərrahlar İctimai Birliyi tərəfindən təşkil olunub. İki hissədən ibarət olan  kursda həm nəzəri, həm də praktiki təlim məşqləri keçirildi. Təlimin nəzəri hissəsində "Hərbi döyüş travmasına necə yanaşmaq lazımdır?" adlı məruzələr dinlənildi".

O əlavə edib ki, cəbhə bölgəsinə DSX-nin maniken və simulyatorları gətirilib: "Maniken və simulyatorlar vasitəsi ilə ilkin tibbi yardımın tətbiq edilməsi və praktiki vərdişlər təlim iştirakçılarına öyrədilib".