16:02, 02 May 2019 (Cümə axşamı) 203

Culian Assanjın məhkəməsi mayın 30-da davam etdiriləcək

Culian Assanjın məhkəməsi mayın 30-da davam etdiriləcək


/ DÜNYA
London Vestminster Bələdiyyə Məhkəməsində "WikiLeaks" saytının təsisçisi Culian Assanjın ekstradisiyasına dair iclas keçirilib.

Vaxtından yarım saat gec başlayan və 10 dəqiqə davam edən iclasda həbsxanadan videorabitə vasitəsilə iştirak edən müttəhim jurnalistika ilə məşğul olduğundan özünü təqsirkar saymadığını və ABŞ-a təhvil verilməsinin əleyhinə çıxış edib.

Eyni zamanda ABŞ tərəfinin ekstradisiya sorğusunu təsdiqlədikdən sonra məsələyə dair bəzi sənədləri məhkəməyə çatdırmadıqlarını xatırladan hakim iyunun 12-dək bu məsələnin həll olunmasının vacibliyini bildirib.

Növbəti dinləmələr mayın 30-da keçiriləcək.

Ötən gün London məhkəməsi C.Assanjı girov müqabilində azadlığa çıxmaq şərtlərini pozduğuna görə 50 həftəlik həbs cəzasına məhkum edib.
 
Report.az