Siyasət

Daha iki cəbhəçinin saxlanıldığı deyilir

22 Avqust, 2019
503
Avqustun 22-də Azərbaycan Xalq Cəbhəsi Partiyasının (AXCP) fəalı Ceyhun Novruzovun Səbail Rayon Məhkəməsində hakim Azər Tağıyevin qərarı ilə 10 sutka müddətinə həbs olunduğu bildirilir.

Partiyadan Azadlıq Radiosuna bildiriblər ki, Ceyhun Novruzov səhər saatlarında Səbail Rayon Polis İdarəsinin 8-ci polis bölməsinə, oradan isə Səbail Rayon Məhkəməsinə aparılıb.

"Bölmədə bildirilib ki, ondan səs-küy salmaqla, söyüş söyməklə bağlı qonşular şikayət edib, lakin heç bir ərizəni təqdim etməyiblər. Sonra İnzibati Xətalar Məcəlləsinin (İXM) 510-cu maddəsi ilə (xırda xuliqanlıq) protokol tərtib edib məhkəməyə, hakim önünə çıxarıblar", - AXCP-dən qeyd ediblər.

Partiyadan əlavə ediblər ki, Ceyhun Novruzovun saxlanmasının gerçək səbəbi onun həm sosial şəbəkələrdə, həm də qonşuların arasında siyasi fəallığıyla bağlıdır.

Avqustun 21-də isə AXCP-nin Salyan rayon şöbəsinin üzvü Elzamin Salayevin də saxlanaraq, İXM-nin 510-cü maddəsi ilə 50 manat cərimələndiyi qeyd edilir.

Partiyadan bildirildiyinə görə, E. Salayevi də xırda xuliqanlıqda ittiham etsələr də, səbəb onun rayonda siyasi faəliyyətidir.

Amma, hələlik, hər iki məlumata Daxili İşlər Nazirliyi və məhkəmələrdən münasibət almaq mümkün olmayıb.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo