Müsahibə

"Dekabrda siyasi məhbus siyahısı yenilənəcək" - İntiqam Əliyev

28 Noyabr, 2016
2675
Ötən günlərdə Azərbaycanda Siyasi Məhbusların Vahid Siyahısının Hazırlanması üzrə İşçi Qrupu 2016-cı ilin noyabr ayının əvvəllərinə qədər daxil olan müraciətləri araşdıraraq "siyasi məhbus siyahısı"nın yenilənmiş variantını təqdim edib.

Toplum.Tv olaraq Siyasi məhbus siyahısı barədə yaranmış suallara cavab tapmaq üçün hüquq müdafiəçisi və Siyasi Məhbusların Vahid Siyahısının Hazırlanması üzrə İşçi Qrupunun üzvü İntiqam Əliyevlə əlaqə saxladıq. 

- İntiqam bəy, tez bir zamanda siyahı yenilənməsi zərurəti haradan yarandı?

- Oktyabrda siyahını elan edəndə bəyan etmişdik ki, 45 nəfərin işi monitorinq altındadır. Hansı ki onların məhkəmə prosesində istifadə olunmuş hüquqi sənədləri əldə etməyə çalışırdıq. Həmin araşdırmalar yekunlaşdıqca adları əlavə edəcəyik. 

- Oktyabr ayında açıqlanan siyahıda 94 nəfərin adı qeyd olunmuşdu. İndi isə 144 şəxsin adı var. Niyə əvvəlki siyahıda yeni adamların adı yox idi? 

- Oktyabrda açıqlanan siyahıda 144 nəfərin adı ümumi elan olunub, onlardan artıq 117 nəfəri siyasi məhbus hesab olunur. Ümumi siyahıdan heç kimin adı çıxarılmayıb, əksinə əlavə olunanlar var. Müşahidə altında qalan insanların işlərini yekunlaşdırdıqca onların da adı növbəti siyahıya əlavə olunacaq. Qeyd edim ki, siyahıya əlavə olunmuş press-relizdə digər suallara da ətraflı cavab tapa bilərsiniz.

- Bu siyahıdakı rəqəmlər alternativ siyahıdakı saya yaxınlaşır. Demək olarmı ki, bu siyahı vahid siyahını ortaya çıxarmaq məqsədi ilə yenilənib?

- Hansısa təşkilatlar özlərinin siyahısının olmasını istəyirsə və hesab edirsə, onların tərtib etdiyi siyahı vahid siyahıdır, bu, onların öz seçimidir. Biz İşçi qrupu olaraq, vahid siyahının olmasında maraqlıyıq. Tərtib etdiyimiz siyahı da ölkənin nüfuzlu hüquq müdafiəçilərinin, vəkillərin daxil olduğu İşçi qrupu tərəfindən hazırlanıb. 

- Siyahı üzərində yenidən işlər gedirmi? Yəni tez bir zamanda yenilənməsi mümkündürmü?

- İşçi qrupu olaraq oktyabrda siyahı elan olunanda bildirmişdik ki, bu cür siyahılarla işləyən bütün təşkilatlar mütəmadi olaraq monitorinqlər aparır və siyahıya əlavələri təqdim edir. Biz də monitorinqlərə davam etdiyimiz üçün dekabrda siyahıya yeni adların əlavə olunması gözlənilir. Onu da qeyd edim ki, işçi qrupuna yeni şəxslər barədə məlumatlar daxil olur. İşçi qrupu olaraq bu ilin dekabr ayının sonunda monitorinq altında olan digər işlər üzrə araşdırmaları da yekunlaşdırmağı və bu barədə qərarı ictimaiyyətə açıqlamağı nəzərdə tuturuq.

Ofelya Ramilqızı 
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo