Sosial

Deputat: “Mərkəzi Bankın bina tikdirməsinin parlamentə nə dəxli var?”

14 Yanvar, 2021
1911
FOTO: Trend.az 
 
"Ölkədə normal idarəetmə, xərclənən hər qəpiyin parlament qarşısında hesabatını verən hökumət olsaydı, belə bir mənzərə ilə qarşılaşmazdıq”.

Bunu "Toplum TV”yə açıqlamasında iqtisadçı Rövşən Ağayev deyib.
 
Azərbaycan Mərkəzi Bankı yeni inzibati binanın tikintisi ilə bağlı Türkiyənin "Tekfen İnşaat" şirkəti ilə müqavilə imzalayıb. Layihənin dəyəri isə 218 milyon avrodur.

Rövşən Ağayev dövlət qurumları üçün bu qədər dəbdəbəli və bahalı binaların tikilməsinin yolverilməz olduğunu bildirib: ""Azərsu”, Mərkəzi Bank kimi qurumların onsuz da müasir standartlara uyğun, rahat binaları var idi. Xüsusilə "Azərsu”nun mərkəzi binası bildiyim qədəri ilə son bir neçə ildə tamamilə yenidən təmir olunub. Eyni zamanda Mərkəzi Bankın binası da yaxın 20-25 ildə son dəblə tikilən binadır. Belə bir durumda bu ehtiyacın nədən irəli gəldiyini müəyyənləşdirmək çox çətindir. Ümumiyyətlə bunu aydınlaşdırmaq lazımdır ki, işçilərini yetərincə rahat iş şəraiti ilə təmin edən ofislərə sahib qurumlar üçün yenidən israfçılıq edib bina tikmək nə üçün lazımdır?” 
FOTO: Sosial media
 
Ekspert eyni zamanda qeyd edib ki, müharibədən yeni çıxmış və pandemiya şəraitində olan ölkədə belə bir layihənin həyata keçirilməsi birmənalı deyil: "Ciddi maliyyə vəsaitlərinə ehtiyac olduğu, dövlətin müxtəlif fondlar vasitəsilə vəsait cəlb edərək vətəndaşların problemlərinin öhdəsindən gəlməyə çalışdığı bir zamanda dövlət büdcəsinin dəbdəbəli binalara yönəldilməsi yolverilməzdir. Bu, əslində, Azərbaycanın səmərəli dövlət idarəçiliyinin olmamasından irəli gəlir. Ölkədə normal idarəetmə, ictimai vəsaitlərdən effektiv istifadəyə imkan verən mexanizmlər, eyni zamanda xərclənən hər qəpiyin parlament qarşısında hesabatını verən hökumət olsaydı belə bir mənzərə ilə qarşılaşmazdıq”. 

"Konstitutsiyada birbaşa büdcəyə nəzarət orqanı parlamentdir. Parlament bu səlahiyyəti üzərinə götürərək büdcədən hər xərclənən vəsaitin hesabını hökümətdən tələb edə bilməyəcəksə, bunlar həmişə olacaq. Bu, tək nümunə deyil, biz uzun illərdir ki, hökümət qurumları üçün bahalı binaların tikilməsini, eyni zamanda büdcədən dövlət şirkətlərinə subsidiyaların verilməsini tənqid edirik”, – deyə R.Ağayev əlavə edib. 

Milli Məclisin deputatı Məlahət İbrahimqızı isə Mərkəzi Bankın yeni bina tikdirməsindən xəbərsiz olduğunu deyir: "Mərkəzi Bankla bağlı İqtisadi komitəyə zəng vurun, ümumiyyətlə bu məsələnin parlamentə və deputatlara nə aidiyyatı var? Mən heç bilmirəm ki, Mərkəzi Bank binanı harada tikdirəcək, mənim nə iqtisadiyyatla əlaqəm var, nə də arxitektura ilə”.

Bundan öncə isə "Azərsu” ASC üçün dəyəri 120 milyon ABŞ dolları olan yeni ofis binasının tikiləcəyi açıqlanıb. 

Nigar Səmədli

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo