16:53, 21 İyun 2019 (Cümə) 130

Deputatın ölümü bağlı araştırma başlayıb

Deputatın ölümü bağlı araştırma başlayıb


/ DÜNYA
Ukrayna Ali Radasının deputatı Dmitri Tımçukun ölümü ilə bağlı başlıca versiya intihardır. 

AzadlıqRadiosunun  xəbər verir ki, istintaq məhz bu versiyanı araşdırır.

46 yaşlı deputat və "İnformasiya müqaviməti" qrupunun koordinatoru iyunun 19-da Kiyevdə mənzilində ölü tapılmışdı. O, odlu silahdan açılan atəş nəticəsində başından yaralanaraq ölüb. Həmin gün polis həm qətl, həm də odlu silahla ehtiyatsız davranma versiyalarının araşdırıldığını demişdi.

Müşahidə kameraları hadisə zamanı evdə iki nəfərin olduğunu göstərir: deputat və onun nikahdan kənar arvadı.

"Yaxın adamların ifadələrinə əsasən istintaq mərhumun axır vaxtlar depressiya vəziyyətində olması, son həftədə isə evdən çıxmaması haqda informasiyaya malikdir", - Kiyev prokurorluğunun mətbuat katibi Nadejda Maksimets deyib.

Ukrayna KİV-ləri deputatın gələcək siyasi fəaliyyəti ilə bağlı pessimist yanaşmasının da intihara səbəb olması ehtimalı haqda yazırlar. İki həftə öncə Tımçuk Ali Radaya seçkilərdə iştirak etməyəcəyini bildirmişdi.

Hüquq-mühafizə orqanları isə Dmitri Tımçukun ölümü ilə bağlı bütün istintaq hərəkətləri başa çatdıqdan, bütün ifadələr alındıqdan və məhkəmə-tibbi ekspertizasının nəticələrini əldə etdikdən sonra açıqlama vermək niyyətindədirlər.