İqtisadiyyat

Ekspert: "Dünya bizə baxıb qibtə edir, ah çəkir, köks ötürür..."

6 Mart, 2019
1322
Prezidentin 30 oktyabr 2018-ci il sərəncamı ilə 2019-2030-cu illər üçün yeni məşğulluq strategiyası təsdiq edilib.

Strategiyada qeyd olunur ki, Azərbaycan yoxsulluq göstəriciləri son 15 il ərzində 25 faiz aşağı düşüb.

2006-2015-ci illəri əhatə edən proqramın icrası dövründə işsizlik səviyyəsi 7,3 faizdən 5 faizədək, yoxsulluq səviyyəsi 29,3 faizdən 4,9 faizədək azalmış, əhalinin gəlirləri 5,2 dəfə, minimum əməkhaqqı 3,5 dəfə, orta aylıq nominal əməkhaqqı 3,8 dəfə artmışdır. 

Bu məlumatlar "2019–2030-cu illər üçün Azərbaycan Respublikasının Məşğulluq Strategiyası”nda göstərilib.

Bu göstəricilər ilə Azərbaycan bir çox  inkişaf etmiş ölkələri belə geridə buraxıb.

"Dünya bizə baxıb qibtə edir, ah çəkir, köks ötürür, yoxsulluq göstəricisi: Latviyada – 27%, Rumıniyada – 24%, Bolqarıstanda – 22%, Litvada – 21%, Almaniyada – 16%, İsveçdə – 13%, Danimarkada – 13%, Avstriyada – 12%-dir. ABŞ da isə 20%-dən çoxdur”, – ekspert Natiq Cəfərli Toplum TV-yə bildirib.

Natiq Cəfərliyə görə, yoxsulluq həddi köhnə göstəricilərlə hesablandığı üçün faiz bu qədər aşağı alınıb: "Yoxsulluq həddi indikatorları köhnədir. Çox aşağı göstəricilərlə hesablanır”.

Ekspert Azərbaycanı ABŞ və Almaniya kimi inkişaf etmiş ölkələrlə müqayisə edərək vəziyyəti açəqlamağa çalışıb: "Almaniyada aylıq gəliri 950 avrodan az olanlar kasıb sayılırlar, yəni 1900 manatdan aşağı gəliri olan yoxsuldur. Bizdə camaat 1900 manat maaş almaq, pul qazanmaq üçün day-day axtarır ki, elə işə düzəltsin.Ya da ABŞ-da illik gəliri 20 min dollardan az olanı yoxsul sayırlar. Yəni ildə 34000 min, ayda 2830 manat qazanana kasıb deyirlər, bizdə isə aya 2830 manat qazanana, "halaldır", deyib onunla qohum olmaq istəyirlər”.

Ekspertə görə, Azərbaycanda yoxsulluq indikatorları (göstəriciləri) yuxarı olsa, ölkənin böyük hissəsi yoxsulluq həddinə düşər: "Yəni bizdə hökumət "rəqəmlərlə rəqs edərək" yoxsul insanların ümumi əhaliyə nisbətən sayını Amerikadan, Almaniyadan az çıxardır. Çox demirəm, bizdə yoxsulluq həddi 500 manat, 4 nəfərlik ailə üçün 2000 manat olsa, ölkənin 70-80%-i yoxsulluq həddinə düşər”.

Uğur Fərzəli
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo