Manşet

Ekspert: “Media qəddarlığı təşviq etməməlidir”

19 Oktyabr, 2018
2318
Bir müddətdir ki, medianın gündəmində jurnalist Camal Qaşıqçının ölüm hadisəsi geniş müzakirə olunur.

Jurnalistin Səudiyyə Ərəbistanının Türkiyədəki konsulluğunda öldürüldüyü bildirilir.  

Ehtimal olunur ki, o, baş konsulun kabinetində qətlə yetirilib və onun cəsədi doğranıb.  

Bəzi türk və yerli mediada qətlin detalları ilə bağlı xəbərlər yayıldı. 

Doğranılmış cəsəd şəkilləri paylaşıldıqdan sonra, Türkiyənin aidiyyatı qurumları şəkillərin saxta olduğunu bildirib. 

"Dezinformasiya və fake qurbanı olmamaq üçün bir qədər səbirli olmaq lazımdır"

Jurnalist Şahin Rzayev Toplum.tv-yə açıqlamasında bildirib ki, bu, çox məsuliyyətsiz bir addım idi: "Bəzi media orqanları və sosial şəbəkə istifadəçiləri "click" və "like" ardınca qaçıb etikanı unutdular. Tutaq ki, lap fake deyildi, yenə də bu dəhşətli şəkilləri açıq paylaşmaq olmaz. Üstəlik, belə incə məsələlərdə dezinformasiya və fake qurbanı olmamaq üçün bir qədər səbirli olmaq lazımdır mütləq.  

Yadıma Füzulinin Alxanlı kəndində həlak olan 2 yaşlı körpə Zəhranın şəkilləri düşür. O zaman da bu şəkilləri paylaşmazdan əvvəl mütləq xəbərdarlıq edilməli idi ki, bu linkdə qan və ölüm var, ehtiyatlı olun".

Media hüququ üzrə ekspert Xalid Ağəliyev deyib ki, qəddarlığı, şiddəti ifadə edən video, foto görüntülərin yayılmasını həm media hüququ, həm də etik qaydalar nəzərdə tutmur: "Belə məzmun toplumda qəddarlığı təşviq etmiş olur. Bu səbəbdən media ilə bağlı həm yerli, həm də beynəlxalq sənədlər belə məzmunun yayılmasını əngəlləyir.

Teleradio yayımı haqqında qanunda birbaşa göstərilib ki, mediada qəddarlıq təbliğ olunmamalıdır. Qanun həmçinin tənzimləyici orqanın üzərinə vəzifə qoyub ki, yetkinlik yaşına çatmayanların fiziki, əqli və mənəvi inkişafına ziyan vura bilən, qəddarlığı əks etdirən proqramlar üçün xüsusi qaydalar müəyyənləşdirsin. Milli Televiziya və Radio Şurasının müvafiq qaydaları da var. Bu qaydalar qəddarlığı bilavasitə və ya dolayısı ilə təşviq edən məzmunun yayımlanmasını əngəlləyir. 

Təkcə teleradio mediası yox, bütün medialar qəddarlığı təşviq edən materiallara bu prizmadan yanaşmalıdır. Həm də əlaqəli qurumlar qəddarlığı təşviq edən materialların yayılmasına görə adekvat davranmalıdır ki, media daha ölçü-biçili olsun".

Türkan Bəşir
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Manşet

"Cənab prezident, sərhədləri açın, uşaqlarımıza kömək edə bilək"

1 Sentyabr 2022
Azərbaycanda  pandemiyaya görə tətbiq edilən bir sıra məhdudiyyətlər aradan qaldırılıb. Quru sərhədlərin bağlı qalması iki ildən çoxdur ki, davam edir. Hazırda insanlar ölkəni yalnız hava yolu ilə tərk edə bilirlər.       Rüxsarə Əliyeva "Toplum TV"-yə deyir ki, oğlu Məhəmmədi müalicə ilə bağlı İrana aparmalıdır. Amma maddi durumu və oğlunun təyyarəyə olan fobiyasına görə, artıq iki ildir ki, Bakıdan çıxa bilmirlər.   Məhəmməd ağır dərəcəli revmatizm-artiret xəstəliyindən əziyyət çəkir, sümük-oynaq problemlərinə görə, hərəkətində məhdudiyyətlər yaranıb.   "Demək olar ki, son 3-4 il ərzində oturub-durmağı çətinləşib. Sümük böyüdükcə, inkişaf etdikcə çətinlik də artır. Pilləkan çıxıb düşə bilmir, düz yolu mənim...
Manşet

Keçmiş MTN polkovniki  hökmü eşidəndə halı pisləşdi 

24 İyun 2022

e-huquq.az

İyunun 24-də Bakı Ağır Cinayətlər Məhkəməsində 2015-ci ildə ləğv edilmiş Milli Təhlükəsizlik Nazirliyinin keçmiş polkovniki, işdən uzaqlaşdırılandan sonra Lənkəran Dövlət Universitetinin prorektoru olmuş, sonradan bu işindən də kənarlaşdırılmış Bahadır Qocayevin məhkəməsi başa çatıb. Məhkəmə iclasına hakim İradə Həsənzadə sədrlik edirdi.  Ötən il Dövlət Təhlükəsizlik Xidmətinin həbs etdiyi Bahadır Qocayev 70 min manatdan çox pulu dələduzluq yolu ilə ələ keçirməkdə ittiham olunur. İttihama görə, o, bir neçə il əvvəl Xaçmazın Seyidlər kəndindəki bağ evini borclu olduğu bir şəxsə borc əvəzi etibarnamə ilə verib. Həmin şəxs də evi Fazil Alıyev adlı digər şəxsə 60 min manata satıb. Bir müddət sonra Bahadır Qocayevin...

Seçilmiş Videolar

Toplum TV loqo