Siyasət

Əli Kərimli: “Müxalifətçilik mövqeyimizi sonraya saxlamışıq”

22 Oktyabr, 2020
755
Oktyabrın 21-də prezident İlham Əliyev Yaponiyanın "Nikkei” qəzetinə müsahibə zamanı deyib ki, ölkədə demokratik inkişaf müsbət məcrada gedir. 

Azərbaycanda bütün əsas azadlıqlar təmin olunub. Prezident yürütdüyü siyasətin yalnız AXCP və Müsavat Partiyası tərəfindən dəstəklənmədiyini deyib:

"Əlbəttə ki, siyasi partiyaların mütləq əksəriyyəti işğal olunmuş ərazilərin qaytarılması ilə bağlı mənim yürütdüyüm siyasəti tam dəstəkləyir. Cəmi iki partiya bu prosesdə iştirak etmir. Cəmi iki partiya Azərbaycanın milli maraqlarının əleyhinə çıxış edir. Bunlar Xalq Cəbhəsi Partiyası və Müsavat Partiyasıdır”.

İlham Əliyev bu partiyaları "1992-1993-cü illərdə hakimiyyətdə olduqları üçün ərazilərimizin itirilməsinə görə məsuliyyət daşıyan partiya” adlandırıb.

Toplum tv prezidentin müxalifət haqqında səsləndirdiyi fikirlərə AXCP və Müsavat Partiyasından münasibət öyrənib.

AXCP sədri Əli Kərimli prezidentin müsahibəsi zamanı verdiyi cavabları "qeyri-obyektiv və heç bir əsası olmayan fikirlər” adlandırıb.

Prezidentin bu iki partiyanın Azərbaycanın milli maraqlarının əleyhinə olması fikrinə isə Ə.Kərimli belə cavab verib: "Sentyabrın 27-dən Azərbaycan ordusu əks həmlə əməliyyatına keçdiyini bəyan edəndən  1 neçə saat sonra AXCP açıqlama verdi ki, dövlətin, ordunun yanındadır. Həm partiya, həm də içərisində olduğumuz Milli Şura olaraq sosial şəbəkə və mediaya verdiyimiz açıqlamalarda mövqeyimiz dövlət və ordudan yana olub. Qarabağla bağlı hadisələr başlayandan sonra partiya üzvlərimiz beynalxalq mediaya həqiqətləri çatdırıb. Məsələn, Qənimət Zahidin Fransa mediasında  son hadisələrlə bağlı 5 dəfə yazısı gedib. Hətta AXCP üzvləri səfərbərlik zamanı könüllü orduya gedib, onlar arasında şəhid olanlar da var”.

Ə.Kərimli bildirib ki, hazırki şəraitdə iqtidar-müxalifət mükalimələrinə yol vermək istəmir: "Savaş günlərində hökuməti tənqidlərimizi də, müxalifətçilik mövqeyimizi də saxlamışıq sonraya”.

"Xalq hər şeyə şahiddir. İndi müxalifət ordununun, dövlətin yanındadır. Bu ovqatı korlamaq lazım deyil”, - deyib. 

Müsavat Partiyasının başqanı Arif Hacılı isə bildirib ki, ölkə gündəminin gərgin olduğu vaxtda geniş açıqlama vermək istəmir.

Partiya başqanı deyib ki, son zamanlar ölkədəki milli birliyi yüksək qiymətləndirir, qarşı tərəfin milli birliyi pozacaq hər hansı səhvinə, təxribatına uymaq istəmir.

Arif Hacılı əlavə edib ki, döyüş əməliyyatları bitdikdən sonra geniş açıqlama verəcək.

Roza Məmmədova


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo