16:02, 04 Noyabr 2019 (Bazar ertəsi) 27

Elmar Məmmədyarov İsveç Krallığına gedib

Elmar Məmmədyarov İsveç Krallığına gedib
Azərbaycanın Xarici İşlər naziri Elmar Məmmədyarov İsveç Krallığına gedib.

Bu barədə Azərbaycan Xarici İşlər Nazirliyinin (XİN) noyabrın 4-də yaydığı məlumatda bildirilir.

Məlumata görə, səfərdə məqsəd Şərq Tərəfdaşlığına üzv ölkələrin nazirlərinin bu proqramın 10 illik yubileyinə həsr olunmuş iclasında iştirak etməkdir. Toplantı noyabrın 5-də keçirilməlidir.

Avropa Birliyinin (AB) «Şərq Tərəfdaşlığı» proqramının əsası 2009-cu ildə qoyulub. Proqram AB-nin altı qonşu ölkəsini əhatə edir. Bura Azərbaycan, Gürcüstan, Moldova, Ukrayna, Belarus və Ermənistan daxildir. Bu ölkələrdən Gürcüstan, Moldova və Ukrayna qurumla assosiasiya sazişi imzalayıb. 2017-ci ilin noyabrında qurumla Ermənistan arasında də tərəfdaşlıq sazişi imzalanıb.

Azərbaycanla da belə sazişin imzalanması ilə bağlı danışıqlar 2017-ci ilin əvvəlindən başlayıb. Ancaq, hələlik, tərəflər arasında tərəfdaşlıq sazişi imzalanmayıb.