Sosial

Emil Səlimov: “Kiçik də olsa, bir ipucu yoxdur ki, barəmdə saxta ittiham quraşdırılsın”

13 Yanvar, 2021
834
Emil Səlimov
FOTO: Meydan TV 
 
"Baş Prokurorluqda mənə təzyiq olmadı, ancaq elə bir münasibət varıydı ki, sanki mən cinayət törətmişəm, onların da əlində  məni günahkar çıxaracaq sübutlar var. Mən rahat idim və onlara bildirdim ki, şübhə varsa, evimdə axtarış edə bilərlər”.
 
AXCP Gənclər Komitəsinin sədri Emil Səlimov Baş Prokurorluğun İstintaq İdarəsində dindirilməsi və ardınca da evində axtarış aparılmasıyla bağlı "Toplum TV”-yə  açıqlamasında belə deyib.
 
"Məni  AXCP sədri Əli Kərimlinin ictimai əsaslarla mühafizəçisi olmuş Niyaməddin Əhmədovun işi üzrə, şahid qismində çağrmışdılar. 4 saat dindirdilər, dedilər ki, Niyaməddin Əhmədov bir ifadə verib və ehtimal var ki, sizin evdə ifadədə adı keçən qanunsuz əşya var. Mən evimdə axtarış aparılmasına icazə verdim və dedim ki, axtardığınızı tapsanız, götürə bilərsiniz. Nəticədə iki müstəntiq  hal şahidi qismində iki qonşunun yanında axtarış etdi, ancaq heç nə tapa bilmədilər”.
 
E.Səlimov deyir ki, axtarış bitdikdən sonra ona telefonunu açıq saxlamağı tapşırıblar.
 
AXCP fəalı gələcəkdə həbs təhlükəsinin olacağını istisna etmir:
"Nəzərə alsaq ki, iqtidar rəqiblərini özünə təhlükə hesab edir, o zaman mənim də gələcəkdə təzyiqlə üzləşə bilməyim gözləniləndir. Amma bu ola da bilər olmaya da bilər. İndiki halda istintaqa çağrılmağımı həbsə çağırış hesab etmirəm. Kiçik də olsa, bir ipucu yoxdur ki, barəmdə saxta ittiham quraşdırılsın”.
Ayaz Məhərrəmli 
FOTO: Toplum TV 
 
AXCP Rəyasət Heyətinin üzvü Ayaz Məhərrəmli isə "Toplum TV”-yə açıqlamasında qeyd edib ki, E.Səlimovu da Niyaməddin Əhmədova açılmış cinayət işinə daxil etməkdir: "Məqsəd budur. Amma axtarış nəticəsində hansısa qanunsuz əşya tapılmayıb. Çox güman ki, buna cəhd edirlər. Hətta bildiriblər ki, biz yenə gələcəyik".
 
N.Əhmədov ötən ilin aprel ayında həbs olunub. Ona öncə karantin rejimi qaydalarını pozma ittihamıyla 1 ay inzibati həbs cəzası verilib. Bu cəza başa çatanda isə barəsində cinayət işi başlanıb, ona qarşı terroru maliyyələşdirmə ittihamı irəli sürülüb. İddia olunur ki, Almaniyada siyasi mühacir kimi oturum almış, sosial şəbəkələrdə Azərbaycan hakimiyyətini, o cümlədən prezident və ailəsini tənqid, bir sıra hallarda isə təhqir edən Qabil Məmmədov Azərbaycanda terror törətmək istəyib və bu məqsədlə N.Əhmədova pul göndərib.
 
N.Əhmədov ittihamı rədd edir, Ə.Kərimlinin mühafizəçisi olduğuna görə həbs edildiyini deyir. Q.Məmmədovla eyni kənddə vaxtilə qonşu olduğunu deyən N.Əhmədovun sözlərinə görə, saxta ittiham üçün bu məqamdan istifadə olunub.
 
Əbdülsəməd Əzizli
FOTO: Axar.az 
 
Baş Prokurorluğun Mətbuat Xidmətinin prokuroru Əbdülsəməd Əzizli isə deyir ki, Emil Səlimovun Prokurorluğa çağırılması ilə bağlı onlara məlumat daxil olmayıb: "Biz də saytlardan oxuduq ki, ifadəsini alıb buraxıblar, qeyri-adi bir şey yoxdur. Bununla bağlı mətbuat xidmətinə məlumat daxil olmayıb, rəsmi münasibət olduqda bildiriləcək".
 
A.Məhərrəmli isə qeyd edir ki, partiya funksionerinin prokurorluğa çağırılması və bununla bağlı ictimaiyyətə məlumat verilməməsi faktı gələcək repressiyaların anonsu ola bilər.
 
Elməddin Şamilzadə
Roza Məmmədova

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo