16:44, 19 Mart 2019 (Çərşənbə axşamı) 306

Ərdoğan: "Edam cəzasının ləğvi səhv qərar olub"

Ərdoğan:


/ DÜNYA
Türkiyə Prezidenti Rəcəb Tayyib Ərdoğan edam cəzasını bərpa etməyə hazır olduqlarını deyib.

"Sputnik” xəbər verir ki, Zonquldağ vilayətinin Eregli şəhərində yerli seçkilərə hazırlıq kampaniyası çərçivəsində hakim Ədalət və İnkişaf Partiyasının (AKP) keçirdiyi mitinqdə bu yaxınlarda Yeni Zelandiyada məscidlərə terror hücumunu əks edən görüntülər nümayiş olunub.

Dövlət başçısı Türkiyənin də hədəfdə olduğunu bildirib: "Yeni Zelandiyadakı qatilin silahına yazdığı adlara, tarixlərə heç fikir verdinizmi? Mədəniyyətimizə qarşı düşmənliyini ən qanlı şəkildə ortaya qoyur. 50 qardaşımız ibadət anında alçaqca öldürüldü. Bunun hesabı veriləcək. 50 müsəlman qətlə yetirilir, maddə yoxdur deyəcəklər? İnsan həyatı nə qədər də ucuzmuş! Qanunlar dəyişdirilməlidir, vəssalam. Biz edam cəzasını ləğv edəndə səhv etmişik. Mən belə düşünürəm. Çünki 15 iyul gecəsi əsgərli, polisli 251 vətəndaşımızı qətlə yetirənləri ağırlaşdırılmış da olsa, ömürlük həbsə məhkum edildiyinə görə həbsxanada yedizdirmək mənə bərk toxunur. Əgər parlament bununla bağlı qərar versə, mən onu təsdiqləyərəm”.

Martın 15-də Kraystçerçdə iki məsciddə insanlar atəşə tutulub. Hadisə nəticəsində 50 nəfər ölüb, 50 nəfər xəsarət alıb.