15:33, 11 Yanvar 2021 (Bazar ertəsi) 48

Gürcüstanda karantin rejiminin müddəti uzadıldı

Gürcüstanda karantin rejiminin müddəti uzadıldı


/ DÜNYA
FOTO:İnterPress

Gürcüstanda karantin rejiminin müddəti uzadıldı

"Gürcüstanda koronavirus pandemiyası ilə əlaqəadar tətbiq olunan məhdudiyyətlər fevralın 1-dək qüvvədə qalacaq".

"Sputnik Gürcüstan"ın yanvarın 11-də verdiyi xəbərə görə, bu sözləri Gürcüstanın İqtisadiyyat və Dayanıqlı İnkişaf naziri Natia Turnava mətbuata açıqlamasında deyib.

Bildirilib ki, fevralın 1-dək ölkədə biznes sektoru və nəqliyyatın fəaliyyətinin təhlükəsiz şəraitdə bərpası ilə bağlı müzakirələr aparılacaq.

Məlumata görə, ölkədə "Pfizer”, "Moderna” və "AstraZeneka” vaksinlərinin tətbiqinin mümkünlüyünə baxılır. Vaksinlərin ölkəyə nə vaxt gətiriləcəyi hələlik məlum deyil. Turnava açıqlamasında Gürcüstanda Çin istehsalı olan hansısa vaksinin tətbiqi məsələsinin nəzərdən keçirilmədiyini qeyd edib.

Gürcüstanda karantin rejimi ilə əlaqədar olaraq, dekabrın ortasından etibarən şəhər və şəhərlərarası nəqliyyatın hərəkətinə, ticarət obyektlərinə, açıq və qapalı bazarların fəaliyyətinə məhdudiyyətlər qoyulub.