Gürcüstan parlamentinin hüquqi məsələlər komitəsinin iclasında qarışıqlıq yaranıb, qadın deputat həmkarının təhqiramiz saydığı sözlərinə görə onu sillələyib.
Bu barədə Azadlıq Radiosu xəbər verib.
Xəbərdə deyilir ki, Eka Beseliya deyir ki, Vano Zardiaşvili 26 sentyabr iclası zamanı onun əxlaqı barədə şərh verincə məsələni özü həll etmək qərarına gəlib. Yanvarda xanım deputatın şəxsi həyatına dair özünün xəbəri olmadan çəkilmiş videosu yayılmışdı.
Beseliya Gürcüstanın əsasən kişilərin nəzarətində olan siyasətində azsaylı qadın deputatlardandır. O, insidentdən dərhal sonra jurnalistlərə deyib ki, hərəkətlərinə görə "heç kəsdən üzr istəmək” fikri yoxdur. Deputat əlavə edib ki, hakim Gürcü Arzusu partiyası və onun milyarder lideri Bidzina Ivanishvili Zardiashvili-nin qəsdən törətdiyi "provokasiya” üçün məsuliyyət daşıyır.
"Heç kəsin keçməsinə icazə verməyəcəyim bir xətt var… Nə vaxt buna bənzər nəsə desə, eyni cavabı alacaq”, – partiyanın keçmiş üzvü olan Beselia söyləyib.
"O, layiq olduğunu aldı”, – deputat qadın sözlərinə əlavə edib.
Zardiashvili isə Beselia-nın ittihamını mübahisələndirib, deyib ki, "mənim əxlaqım Beselia-nınkı kimi deyil” deyəndə məqsədi həmkarını təhqir etmək olmayıb.
"Xanım Eka Beselia-ya gəlincə, onu təhqir etməmişəm. O, daim özünü siyasi prosesdə bərqərar etməyə çalışır”, – deputat söyləyib.
Vaxtilə Gürcü Arzusu-nun aparıcı üzvü olan Beselia yazda 10-dan artıq həmkarıyla birlikdə partiyanı tərk elədi. Səbəb onun parlament komitəsinin sədri vəzifəsindən kənarlaşdırılması idi.
Beselia partiyanın onun videolarının çəkilişini və internetdə yayılmasını təşkil etməkdə suçlayıb.
Bir qrup fəal sentyabrın 27-də Beselia-ya dəstək ifadə etməkdən ötrü parlament binası qarşısında piket planlaşdırır.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.