11:08, 03 Sentyabr 2019 (Çərşənbə axşamı) 60

Gürcüstanın baş naziri və digər iki yeni nazirin adı açıqlanıb

Gürcüstanın baş naziri və digər iki yeni nazirin adı açıqlanıb


/ DÜNYA
Gürcüstanın daxili işlər naziri Giorgi Qaxaria ölkənin baş naziri təyin olunub.

Xəbər barədə "Report”məlumat verib.

Xəbərdə deyilir ki hakim Gürcü Arzusu-Demokratik Gürcüstan Partiyasının baş qərargahında keçirilən brifinqdə bildirilib.

G.Qaxaria 2016-2017-ci illərdə Gürcüstanın iqtisadiyyat və davamlı inkişaf naziri vəzifəsində işləyib. O, bundan öncə iqtisadi şuraya rəhbərlik edib və biznes ombudsmanı olub. 

G.Qaxaria 2017-ci ilin noyabrın 13-dən Gürcüstanın daxili işlər naziri vəzifəsini tutub. O, həmçinin Milli Təhlükəsizlik Şurasının katibidir. 

Gürcüstanın keçmiş baş naziri Mamuka Baxtadze ötən gün istefa verib. O, 2018-ci ilin iyunundan hökumətə başçılıq edib. 

Bundan başqa Gürcüstanın daxili işlər, həmçinin müdafiə naziri vəzifələrinə yeni təyinat olub.

Vaxtanq Qomelauri daxili işlər naziri, İrakli Qaribaşvili isə müdafiə naziri vəzifəsinə təyin olunub.

V.Qomelauri əvvəllər Dövlət Təhlükəsizlik Xidmətinin rəisi, İ.Qaribaşvili isə hakim Gürcü Arzusu Partiyasının siyasi katibi vəzifəsində işləyib.