Sosial

Hüquqşünas: “Universitetin verdiyi qərar adekvat deyil”

27 Noyabr, 2020
1304
Bakı Dövlət Universiteti Mexanika-riyaziyyat fakültəsinin Mexanika ixtisası üzrə I kurs tələbəsi Pərviz Məhəmmədovu universitetin daxili nizam-intizam qaydalarını kobud şəkildə pozduğuna görə təhsil müəssisəsindən qovulduğu bildirilir. 

Bu barədə Uuniversitetin rəsmi "Feysbuk” səhifəsində məlumat verilib. 

Məlumatda tələbəyə və valideyninə qaydalara əməl etmənin vacibliyinin bir neçə dəfə izah olunduğu deyilir. Amma Pərviz Məhəmmədovun noyabrın 23-də tədris prosesi zamanı yenidən universitetin daxili nizam-intizam qaydalarını kobud şəkildə pozduğu, dövlət bayrağına qarşı təhqiredici hərəkətlər etdiyi qeyd olunur. 

Universitet bildirir ki, "Dövlət bayrağının istifadəsi qaydaları haqqında" Qanunun 11-ci maddəsinə görə bayrağın bu qanunun tələblərinə zidd istifadəsi, habelə bayraq barədə təhqiredici hərəkətlər  məsuliyyətə səbəb olur. Buna görə də tələbə Pərviz Məhəmmədovun universitetdən xaric edilib. 

Eyni zamanda sosial şəbəkələrdə tələbənin atası Əlipənah Məhəmmədovun  Qarabağ qazisi olması ilə bağlı yanlış informasiya yayıldığı da ayrıca vurğulanır.

Hüquqşünas Ələsgər Məmmədli universitetin bu addımının hüquqi və etik tərəfinin olmadığını söyləyir. 

Onun fikrincə, tələbənin təhsil hüququ hansısa bu tip məsələyə görə dərhal əlindən alınmamalıdır: "Əvvəla, şəxsin bayrağı başından uca tutması təhqir sayılmaya da bilər, çünki Qarabağın azad olunmasını küçədə qeyd edən onlarla gənc gördük ki, onların içində bayraqları kürəklərinə, başlarına atanlar var idi. Bu məsələdə şəxsin niyyəti çox önəmlidir. Hərəkət təhqir niyyətiylə, yoxsa qələbə eyforiyasıylamı edilib? Bunu araşdırmadan birbaşa nəticəyə gəlib belə bir qərar vermək yanlışdır”.

Hüquqşünas ikinci bir məqama diqqət çəkir, o, unversitetin bayrağı təhqir etməklə bağlı konkret norması olub-olmadığına aydınlıq gətirilməsini istəyir: "Nə təhqir sayılır və bundan sonra hansı tədbirlər görülür? Yəni bu tədbir töhmət də ola bilər, xəbərdarlıq da”. 

Ə.Məmmdəli yayılan videodakı hərəkətin təhqir sayılıb-sayılmadığının hüquqda  mübahisə yaradacaq məsələ olduğunu, bu mənada universitetin adekvat qərar vermədiyini deyir. 

"Çünki məqsəd nədir, bir insanı təhsildən uzaqlaşdırmaqla cəmiyyətə faydalı olmaq, yoxsa onu yenidən cəmiyyətə qazandırmaq? Bu baxımdan verilən qərar şəxsin təhsil hüququnun qanunsuz olaraq məhdudlaşdırılmasıdır”, – Ə.Məmmədli belə söyləyir.

Vəkil Aqil Layıc da "Feysbuk”da şəxsi profilindən bu məsələ ilə bağlı paylaşım edib. 

O, bir neçə ölkənin cəza siyasəti ilə yerində tanış olduğunu, adamları islah etmək üçün həbsxanaların universitetlərlə müqaviləyə əsasən tədris təşkil etdiyini, onlara diplom verərək cəmiyyətə qazandırdıqlarını yazır. 

Vəkilin qənaətincə, cəza siyasəti qarşıya qoyulan məqsədə xidmət etməlidir. 

"Tələbənin adi bir uşaq şıltaqlığına görə universitetdən qovulması, elə ilk öncə dövlət maraqlarına ziddir. Bu ölkə bizimdir, hər bir fərdi də bizimdir. İnsanları təhsildən ayırmayın, onları kriminallaşdırmayın, onları küsdürməyin. Ölkənin rəsmi qurumlarından xahiş edirəm, məsələni nəzarətə götürüb, tələbəni cəmiyyətə qaytarasınız”, – A.Layıc yazır.

BDU-nun qərarı sosial mediada birmənalı qarşılanmayıb. 

Hələlik universitet rəhbərliyi bu tənqidlərə münasibət bildirməyib. 

Nigar Səmədli
Toplum.Tv


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo