Siyasət

İcra başçısı 130 min dollarlıq maşın almaq istəyib

1 İyul, 2019
372
Kəlbəcər Rayon İcra Hakimiyyəti başçısı aparatına  "Mersedes Benz S 350” markalı avtomobil almaq üçün tender elan edib.

Tender şərtləri "Respublika” qəzetində dərc edilib.
 
 

Sosial şəbəkələrdə fəaliyyət göstərən müvafiq profilli səhifələrdə bununla bağlı qeyd olunub ki, həmin maşının qiyməti təxminən 130 min dollardır.

Səhifədə bildirilir ki, qanuna görə elan həm qəzetdə, həm də "tender.gov.az” saytında dərc edilməli idi, lakin saytda bu barədə elan yoxdur.

"Digər tərəfdən "Mercedes” markalı avtomobillərin 1 rəsmi distribütoru olduğunu nəzərə alsaq tender formal xarakter daşıyır. Bu kimi hallarda boşuna vaxt itkisi olmasın deyə səbəbi əsaslandırmaqla Azərbaycan Respublikası İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə bir mənbədən satınalma üçün müraciət edilməlidir”.

Bununla belə ixtisaslaşdırılmış səhifədə vurğulanır ki, bu formada tələblər bir brend ilə məhdudlaşdırılmamalı idi.

"Maşının texniki göstəriciləri və sinfi qeyd edilərək elan verilməli idi və bu halda artıq bir neçə brend (məsələn Lexus, BMW) təklif verə biləcəkdi”.

Məsələ ictimailəşəndən sonra Kəlbəcər Rayon İcra Hakimiyyətinin başçısı Aqil Məmmədov "Modern” saytına açıqlama verərək, bildirib ki, avtomobil onun 3 il maşınsız olan müavini Eldəniz Mehtiyev üçün lazım idi.

A.Məmmədov qeyd edib ki, büdcə proqnozlaşdırılan zaman onların xahişi ilə 55 min manat vəsait ayrılıb.

"Biz bu vəsaitə uyğun avtomobil almalıyıq. Maşını almaq üçün tender elan verməliyik. Xüsusi komissiyanın qərarına əsasən, 2009-cu ilin buraxılışı olan avtomobil almaq istədik, amma onun da qiyməti bizim büdcəmizə uyğun olmadı. Çünki qiyməti baha idi. Məsələ təxirə düşdü. Heç bir maşın almamışıq”.

İcra başçısının dediyi kimi məsələ təxirə salınsa da, tenderin təxirə salınması ilə bağlı yeni elan hələlik verilməyib.
 
Meydan.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo