Siyasət

"İmtahanların müsahibə mərhələsi qeyri-müəyyəndir"

10 May, 2018
779
"Dövlət qulluğu imtahanlarının müsahibə mərhələsi qeyri-müəyyəndir”. 

Bunu hüquqşünas Xalid Bağırov dövlət müəssisələrinə qəbul imtahanlarının qüsurlarından danışarkən deyib.

İmtahanların birinci mərhələsi olan test mərhələsindən keçid balını yığan iştrakçılar çox zaman ikinci mərhələni uğursuzluqla başa vururlar. Bu da bəzi iştirakçılarda imtahanların formal olaraq keçirilməsi, əslində isə öncədən nəzərdə tutulan şəxslərin qəbul olunacağı fikrini formalaşdırır.

Xalid Bağırov deyir ki, şəxsin biliyini birinci mərhələdə test imtahanıyla yoxlayırlar, ikinci mərhələnin də yenidən bilik yoxlama vasitəsi olmasına ehtiyac yoxdur.

O qeyd edir ki, müsahibədə şəxsin xarici görkəmi, qabiliyyətləri yoxlanmalıdır: "Məsələn, hakimdirsə, bu, danışa bilirmi, nitqi varmı və s. Bu cür qeyri-müəyyən qaydalar olduqda, sui-istifadə halları yaranır, şifahi olduğuna görə heç nə sübut etmək də olmur”.

Onun sözlərinə görə, konkret əsaslandırılmış qərarlar çıxarılmalı, ya da mərhələ olaraq ləğv olunmalıdır. 

Təhsil eksperti Kamran Əsədov isə deyir ki, 2007-2016-ci illərdə dövlət qulluğuna qəbulu, Dövlət Qulluğuna Qəbul üzrə Komissiya həyata keçirirdi və bu zaman da bəzi neqativ hallar baş verirdi: "Bu proses 2016-cı ildən etibarən Dövlət İmtahan Mərkəzinə verildi və mənfi hallar sıfıra qədər azaldı. Hətta test mərhələsində müsbət bal toplayanlar, bəzən müsahibə mərhələsində iştirak etmək istəmirlər. Çünki dövlət müəssisələrinin maaşı çox olmadığından, enerjilərini başqa xidmət sahələrinə yönəldirlər”.

Ekspert deyir ki, əslində müsahibə mərhələsi sadə olmalıdır: "Bizim universitet məzunlarının bilik və bacarıqları o qədər yüksək səviyyədə olmadığından müsahibə mərhələsində də bilik yoxlayırlar”.

K. Əsədov bildirib ki, müsahibə mərhələsində bəzi hallarda mənfi məqamlar olur: "İştirakçıların birbaşa bilik və praktikaları ilə bağlı suallar verirlər. Çünki dövlət orqanı reysə düşmüş sistemdir. Kimisə təcrübəsiz yüksək bir posta gətirmək təhlükəlidir”.

O, hesab edir ki, ümumilikdə götürdükdə bu prosesdə şəffaflıq və ədalətlilik təmin olunub.

Gülzar N. Məmmədli
Toplum Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo