İqtisadiyyat

"İş yerlərinin ixtisas səviyyəsi ilə insanların peşə-ixtisas səviyyəsi uyğun olmalıdır"

11 Noyabr, 2018
1743
"Millət işləməyə vərdiş etməlidir. İndi də bir tendensiya yaranıb, hamı haradansa nəsə qoparmaq istəyir”. 

"Report”un xəbərinə görə, bunu Milli Məclisin Əmək və sosial siyasət komitəsinin iclasında deputat Yaqub Mahmudov deyib.

Deputat əlavə edib ki, bu qədər əlilin, Qarabağ müharibəsi veteranının olması cəmiyyətdə şübhə doğurur.  

"Azərbaycanlılar həm millət olaraq, həm də fərdi şəkildə çox çalışqan, işgüzardırlar”

Sosioloq Nail Cəlil deputatın fikrində rasionallıq olduğunu düşünür: "Yaqub müəllimi tələbəlik illərindən tanıyıram. Lakin hamının adından danışmasını, eləcə də milləti bu formada tənqid etməsini qəbul etmirəm. Çünki azərbaycanlılar həm millət olaraq, həm də fərdi şəkildə çox çalışqan, işgüzardırlar”.

"Tarixi, etnoloji baxımdan, Azərbaycan türkləri Qafqazı, eləcə də yaxın, qonşu ölkələrdə azı son 1000 il ərzində aparıcı submədəniyyətin yaradıcısı olan, mühafizəkarlığını qorumaqla inkişafa, yaradıcılığa meyilli, şəraitini daim yaxşılaşdırmağa çalışan bir etnosdur. Bu milləti nəyəsə, xüsusən işləməyə, eləcə də elm öyrənməyə alışdırmaq barədə fikirlər tarixə, cəmiyyətə subyektiv yanaşmadan irəli gəlir. Heç kəs heç vaxt mənsub olduğu millətdən öndə, üstün, bilikli ola bilməz. Çünki fərd olaraq daşıdığı xüsusiyyətlər, istedadı, qabiliyyəti, hətta dahiliyi insanın milli-genetik kökləri ilə birbaşa bağlıdır. Bu, Yaqub Mahmudova, digər tədqiqatçılara, tarixçilərə, millət vəkillərinə də eyni dərəcədə aiddir”, - deyə sosioloq bildirib.
 
"Bunun günahı əhalidə deyil, mühitdəki şəraitdədir”

Sosioloq Əhməd Qəşəmoğlu isə problemə sosioloji tərəfdən baxılmasının tərəfdarıdır: "Sosiologiya elmi deyir ki, əhalini nədəsə günahlandırmaq doğru deyil. Çünki insanlar idarə ediləcək avtomat maşın deyil. Sosial psixologiyada kifayət qədər geniş əsaslandırılıb ki, hər bir  sosial qrupun davranışına təsir edən 3 mühüm amil var: mühit, informasiya və insanların üstünlük verdiyi dəyərlər. Əgər cəmiyyətdə bu gün işləmək meyli yoxdursa, deməli, bir davranış formalaşıb. Amma bunun günahı əhalidə deyil, mühitdəki şəraitdədir. Mühit həmin imkanı yaradırmı? Necə olur ki, burada avara həyat tərzi keçirən insan başqa ölkədə özünə iş tapa bilir?”.

Əhməd Qəşəmoğlu problemin digər səbəbini informasiyanın çatımlı olmamasında görür: "İşsiz insanların bəzisi peşəsinə görə iş tapa bilmir, bəzisi bilmir ki, necə axtarsın, hara müraciət etsin. Məlumatsız insanlar üçün kurslar da təşkil oluna bilər. Həm də çalışmaq lazımdır ki, əhalidə əməyə çox yüksək tələbat olsun. Əməyə  münasibət də mühüm bir dəyərdir. Əgər biz bu istiqamətdə işləmiriksə, o zaman əhaliyə "tənbəl” deyə bilmərik. Çox təəssüf ki, bizim ölkədə bu problemin həlli üçün elmi mexanizmlər axtarılmır”.   
 
"İnsanların iş səviyyəsi ilə ixtisas səviyyəsi arasında ciddi fərq var”

İqtisadçı Rövşən Ağayev problemi idarəetmədə görür: "Əvvəla, hakimiyyət nümayəndəsinin "insanlar saxta əlillik dərəcəsi alırlar” fikri absurd yanaşmadır. Çünki mexanizmləri hakimiyyət orqanları qurur. Qərarları isə parlament qəbul edir. Mexanizmlər elə qurulmalıdır ki, insanlar dövlət vəsaitlərindən sui-istifadə etməsinlər. Belə bir problem varsa, bu, idarəetmənin qüsurlarıdır. Əgər hüquqi mexanizmlər  yaxşı işləyirsə, insanlar da qanunlara tez öyrəşir”.

"Çox az sayda insan tüfeyli həyat tərzinə meyillidir. Biz özümüz bayram günlərində, 2-3 gün işə getməyəndə darıxırıq. İnsanlar həmişə işləmək istəyir. Bunun üçün idarəetmə insanların səmərəli məşğulluğunu təmin etməlidir. İnsanların seçim azadlığı mühümdür. Bizim iqtisadiyyatın isə iş yeri təklif etmək potensialı çox məhduddur”, - deyə iqtisadçı qeyd edib.

"İş var, insanlar işləmək istəmir” fikri isə kökündən yanlış yanaşmadır. Bunu məşğulluq məsələlərindən xəbəri olmayanlar deyir. Beynəlxalq praktikaya görə iş yerlərinin ixtisas səviyyəsi ilə insanların peşə-ixtisas səviyyəsi uyğun olmalıdır". Əgər hansısa mühəndis fəhlə işləmək istəmirsə, bu, normal qarşılanmalıdır. Bu ölkədə universiteti bitirən neçə tələbə öz ixtisasına uyğun iş tapa bilir? Bu baxımdan düşünürəm ki, bu gün ciddi araşdırma getsə, məlum olacaq ki, iş yerlərinin ixtisas səviyyəsi ilə insanların peşə-ixtisas səviyyəsi arasında ciddi fərq var”, - vurğulayıb. 

Nigar Mübariz
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo