17:39, 01 İyul 2019 (Bazar ertəsi) 97

İrakli Kobaxidze: “Azərbaycanda olarkən istefa verməyim düzgün deyildi”

İrakli Kobaxidze: “Azərbaycanda olarkən istefa verməyim düzgün deyildi”


/ DÜNYA
Gürcüstan parlamentinin keçmiş sədri İrakli Kobaxidze istefasına dair ilk dəfə olaraq açıqlama verib. 

Bu barədə "Report.az” məlumat verib.

Məlumata görə, sabiq spiker istefası barədə qərarın prinsipial olduğunu bildirib.

İ.Kobaxidze deyib ki, rusiyalı deputatın Gürcüstanın parlament sədrinin kürsüsündə əyləşməsi ilə bağlı məsuliyyət onun üzərində olub: "Buna görə də mən hakim komandaya vəzifəmi tərk etməklə bağlı qərarımı bildirdim. İstefamın tələb olunduğu vaxt vəzifəmdən getməməyimə gəlincə, mən həmin gün Azərbaycanda səfərdə idim və bu cür qərarların digər ölkədə qəbul olunması düzgün deyil”.

 İrakli  Kobaxidze iyunun 20-də Azərbaycana ilk rəsmi səfər edib. Rusiya Dumasının üzvü Sergey Qavrilovun Gürcüstan parlamentində keçirilən Parlamentlərarası Pravoslav Assambleyasının 26-cı Baş Assambleyası zamanı spikerin kürsüsündə əyləşməsi ölkədə ciddi etirazlara səbəb olub. Etirazlar fonunda İ.Kobaxidze Azərbaycana səfərini yarımçıq qoyaraq vətənə qayıdıb və iyunun 21-də vəzifəsindən istefa verib.