Siyasət

Jurnalistin nazirliyə qarşı məhkəmə iddiası davam edir

22 Oktyabr, 2019
915
Baş redaktor: "Saytların bloklanması nazirliyin səlahiyyətindədir"

Oktyabrın 22-də 1 saylı Bakı İnzibati-İqtisadi Məhkəməsində "arqument.az" saytını blokladığına görə Nəqliyyat, Rabitə və Yüksək Texnologiyalar Nazirliyinə qarşı qaldırılan iddiaya baxılıb. 

Bu barədə saytın baş redaktoru Şəmşad Ağa məlumat verib. 

Onun sözlərinə görə, "arqument.az" saytı bu il aprelin 8-10 tarixlərində bloklanıb. 

Nəqliyyat, Rabitə və Yüksək Texnologiyalar Nazirliyi  isə bununla bağlı heç bir xəbərdarlıq etməyib. 

Şəmşad Ağa ToplumTv-yə deyib ki, sayta vpn-lə giriş mümkün olsa da, bir gün sonra kiber-müdaxiləyə məruz qalıb: "Nazirlik saytın onlar tərəfindən bloklanmadığını desə də, bu məsələ onların səlahiyyətindədir. Bugünkü prosesdə də tutarlı fakt təqdim edə bilmədilər, amma etiraf da etmirlər. Növbəti proses isə dekabrın 3-nə təyin olundu. Bu gün Rabitə Nazırliyindən cavabdeh şəxs kimi hüquqşunaslar və Elektron Təhlükəsizlik Xidmətinin rəhbəri Faiq Fərmanov iştirak etdi. Biz onun məhkəmədə iştirak etməsi ilə bağlı vəsatət vermişdik. O da saytı həmin tarixdə onların bloklamadığını dedi. O zaman sual verdik ki, bəs başqa hansı qurumun belə səlahiyyəti var? Bu suala cavab verməkdə çətinlik çəkdilər". 

Redaktor bildirib ki, cavabdeh şəxs kimi Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti göstərilsə də, bu işə məsul şəxs nazir Ramin Quluzadədir: "Hakim bildirdi ki, burada nazirlik yox, məhz sözügedən xidmət cavabdeh olmalıdır. Amma bu xidmət nazirliyin nəzdindədir. Bloklanma tapşırıqlarını isə şəxsən nazir Ramin Quluzadə verir. Çünki biz 2018-ci ildə də analoji halla qarşılaşdıq. Onda iddiaçı tərəf kimi məhkəməyə Ramin Quluzadə müraciət göndərmişdi. Bu gün isə məsul şəxsin Elektron Təhlükəsizlik Xidməti olduğunu deyirlər”.

Şəmşad Ağa bildirib ki, istənilən halda qanunvericiliklə bloklanmaya cavabdeh Nəqliyyat, Rabitə və Yüksək Texnologiyalar Nazirliyidir: "Nazirlik "İnformasiya, informasiyalaşdırma və informasiyanın mühafizəsi haqqında" Qanunun 13-cü və Konstitusiyanın 47, 50-ci maddələrini pozub. Bu, ifadə azadlığının məhdudlaşdırılmasıdır. Ona görə də hüquqi addımlarımızı davam etdirməkdə israrlıyıq". 

Baş redaktor deyib ki, növbəti məhkəmə prosesi dekabrın 3-də, saat 11:10-da keçiriləcək. 

Zərifə Novruz

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo