Siyasət

Kamal Abdulla iddiasına düzəliş edib

9 Avqust, 2019
504
"Xural.com" saytının rəhbəri Əvəz Zeynallıdan 10 min, indiki və keçmiş üç işçisinin birindən 5 min, digər ikisinin hərəsindən isə 3 min manat pul tələb edən Azərbaycan Dillər Universitetinin rektoru Kamal Abdulla fikrini dəyişib. 

Bu barədə "Meydan.tv" xəbər verir.

Xəbərdə deyilir ki, o, Ə.Zeynallı, universitetdə Filologiya və jurnalistika fakültəsinin dekanı vəzifəsindən çıxarılıb, yarımştat müəllimə kimi saxlanılan Vüsalə Ağabəyli, bir neçə ay əvvəl universitetdən uzaqlaşdırdığı Pərvin Mürsəlova və Elmira Baxşəliyevaya qarşı məhkəmə iddiasına düzəliş edib. Bu barədə onun vəkili Muxtar Mustafayev avqustun 8-də məhkəmədə məlumat verib.

Hakim Emin Əliyevin sədrliyilə keçirilən məhkəməyə ərizə təqdim edən vəkil K.Abdullanın təzminatla bağlı hissədə iddiadan imtina etdiyini, təkzib və üzr istənilməsi tələbində isə israrlı olduğunu bildirib.

Ə.Zeynallı isə rektorun iddiasına Binəqədi Rayon Məhkəməsində baxılmasına etiraz edib. Həm Ə.Zeynallı, həm də digər üç cavabdeh - V.Ağabəyli, E.Baxşəliyeva və P.Mürsəlovanın adından bununla bağlı yazılı etiraz məhkəməyə təqdim olunub.

Hakim etirazı təmin etməyib.

Ə.Zeynallı bildirib ki, bu qərardaddan apelyasiya şikayəti veriləcək.

K.Abdullanın vəkili Muxtar Mustafayev məhkəmədən sonra jurnalistlərin suallarını cavablandırarkən deyib ki, onların məqsədi jurnalistlərin cəzalandırılması, mətbuatı çökdürmək deyil: "Mən heç vaxt mediaya, jurnalistlərə qarşı xüsusi ittiham qaydasında iddia imzalamamışam. Çıxdığım işlər də barışıqla başa çatıb".

Vəkil deyir ki, məhkəmə iddiası K.Abdulla yox, universitet tərəfindən irəli sürülüb.

İddia ərizəsini K.Abdulla özü imzalayıb. Vəkil bildirib ki, məsələ öncə universitetdə Elmi Şurada müzakirə olunub, razılıqdan sonra K.Abdulla imzalayıb.

K.Abdulla iddia edir ki, keçmiş və indiki işçilərinin onun haqqında söylədikləri və "xural.com"da yayımlanan fikirlər böhtandır.

İşçilər onu universitetdə diktatura mühiti yaratmaqda, özünə yaxın adamları himayə edib, onun qanunsuz əməllərinə etiraz edənləri cəzalandırmaqda, təhsil müəssisəsində insanlarla söyüşlə danışmaqda ittiham edir.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo