Sosial

Koronavirusla mübarizəyə ayrılan pullar hardandır?

24 Mart, 2020
2473
"Bu onu göstərir ki, dövlət büdcəsində problem var” 

Azərbaycan Prezidentinin 19 mart 2020-ci il tarixli sərəncamına əsasən Koronavirusla Mübarizəyə Dəstək Fondu yaradılıb. Son günlər ard-arda rəsmi qurumlar, özəl şirkətlər bu Fonda pul köçürürlər.  

İqtisadçı Azər Mehdiyev Toplum TV-yə deyir ki, belə bir fondun yaradılması az rast gəlinən təcrübədir. 

"Biz böyük ölkələrin təcrübələrinə baxsaq, onlar şirkətlərdən yardım toplamaq əvəzinə, özləri şirkətlərə yardım göstərirlər. Bu, bir tərəfdən onu göstərir ki, Azərbaycanın dövlət büdcəsinin problemi var və ona görə də sahibkarlar pul köçürürlər. Bu fonda ianə etməkləri ilə bağlı da sahibkarlara müraciət olunub”, - iqtisadçı bildirir. 

Azər Mehtiyevin fikrincə, bu tipli fondların yaradılmasının hüquqi bazasının olub-olmaması özü də sual doğurur. Onun sözlərinə görə dövlət müəssisələrinin bu fonda ianə etmələri "ciddi hüquqi boşluqların göstəricisidir”.

Deputat: "Dövlət büdcəsi gəlirləri hesabına ianə edə bilər”

"Sosial şəbəkələrdə yayılan məlumatlara əsasən demək olar ki, bu büdcə təşkilatlarının büdcədənkənar, ödənişli xidmətlərdən gəlirləri var və onlar bu gəlirlərin bir qismini fonda yardım məqsədilə ianə edirlər”. 

Deputat Vahid Əhmədov bildirir ki, dövlət müəssisələri bu ianələri onlara ayrılmış büdcə vəsaiti ilə edirlər. Amma o da bəzi dövlət qurumlarının gəlirləri hesabına fonda pul köçürməsini istisna etmir: "Ola bilər ki, dövlət müəssisələrinin əlavə gəlir mənbələri də var. Bəzi təşkilatlar məsələn, cərimələrdən gəlir əldə edir və s”.

"...işçilərin maaşlarından könüllü şəkildə tutulmaqla həyata keçirilir” 

İqtisadçı Nazim Bəydəmirli büdcə təşkilatlarının bu prosesə qoşulmasını "xoşagələn addım” kimi dəyərləndirsə də, fonda ayrılan vəsaitlərin mənbələrinin açıqlanmasını məqsədəuyğun sayır.

"Bizdə nəcib işi kampaniyaçılığa çevirməyin ənənəsi var. Adətən kimsə könüllü addım atdıqdan sonra bütün dövlət qurumları və ya məmur-sahibkalara məxsus olan şirkətlər bu təşəbbüsü dəstəkləyirmiş kimi görünürlər. Amma bu fonda köçürülən pullar dövlət müəssisələrinin, büdcə təşkilatlarının bu vəsaiti hardan əldə etməsi ilə bağlı sual doğurur. Ehtimal edirəm ki, bu proses həmin qurumlarda çalışan işçilərin maaşlarından könüllü şəkildə tutulmaqla həyata keçirilir”. 

Pullar hara xərclənir?

Hələlik fonda ianələr haqqında məlumat verilsə də, onun hara, necə xərclənməsi haqda ictimaiyyət məlumatlandırılmır. 

Deputat Vahid Əhmədov başqa ölkələrlə müqayisədə Azərbaycanda dövlət büdcəsindən koronavirusla mübarizəyə ayrılan vəsaitin kifayət qədər az olduğunu, buna görə də ianələrə ehtiyac olduğunu deyir: "Bizdə 1 milyard ayrılıb. Bu ianələr də 1 milyard, milyard yarım olacaq. Mən hesab edirəm, bu vəsait də azdır. Koronavirusla mübarizəyə əsaslı vəsait tələb olunur. Həm əhalinin işləməyən hissəsinə, məsələn, əvvəllər günəmuzd işləyənlərə, indi işsiz qalanlara pul verilməlidir. Eləcə də dezinfeksiya işi aparılmalıdır. Bu da vəsait tələb edir. Amma əsas məsələ, ən ciddi məsələ ayrılan vəsaitin ünvanına çatmasıdır. Buna yəqin Nazirlər Kabineti yanında Operativ Qərargah nəzarət etməlidir”.

Nazim Bəydəmirli isə o fikirdədir ki, bu vəsaitlərin hansı istiqamətə xərclənməsi bəlli deyil. 

O, apteklərdə maska və spirt tapılmadığını deyir: "Fonda daxil olan vəsaitin xərclənməli olduğu istiqamətdə xərclənmədiyi aydın görünür”, - deyə o, əlavə edir.

Martın 24-nə olan məlumata görə Koronavirusla Mübarizəyə Dəstək Fonduna 68,274,279 manat ianə toplanıb. 

Elməddin Şamilzadə

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo