21:15, 09 Sentyabr 2019 (Bazar ertəsi) 74

Krallıqda “Brexit”in təxirə salınmasına dair qanun qüvvəyə minib

Krallıqda “Brexit”in təxirə salınmasına dair qanun qüvvəyə minib


/ DÜNYA
Böyük Britaniyanın Avropa İttifaqı (Aİ) üzvlüyündən çıxmasının təxirə salınması barədə parlamentdə qəbul edilmiş qanun layihəsi Kraliça II Elizabet tərəfindən təsdiqlənərək qüvvəyə minib.

"Report” xarici kivlərə istinadən verdiyi xəbər görə, qanun ölkə iqtisadiyyatına uzunmüddətli fəsadlar gətirəcək sazişsiz "Brexit”ə yol verməmək məqsədi daşıyır.

Oktyabrın 19-dək Aİ ilə gələcək əməkdaşlığa dair razılığa gəlinməsə, qanun hökumətin üzərinə qarşı tərəfdən "Brexit”i 3 ay müddətinə, yəni 2020-ci ilin 31 yanvar tarixinədək təxirə salmaq barədə xahiş etmək öhdəliyi qoyur.

Ölkənin baş naziri Boris Conson Aİ ilə "Brexit”i təxirə salmaq üçün danışıqlar aparmayacaqlarını, Aİ-dən əvvəlcədən nəzərdə tutulduğu kimi, oktyabrın 31-dən gec olmayaraq çıxacaqlarını bildirib.