Siyasət

"Mediaya ayrılan pullar"

19 İyul, 2018
1683
İyulun 16-da Prezident İlham Əliyevin sərəncamı ilə Azərbaycanda nəşr olunan qəzetlərə birdəfəlik maliyyə yardımı göstərmək üçün Azərbaycan Respublikasının 2018-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 1 milyon manat vəsait ayrılıb. 

İllərdir dövlət tərəfindən KİV-ə maliyyə yardımı ayrılması artıq ənənə halını alıb. 

Toplum.Tv olaraq dövlət tərəfindən ayrılan vəsaitlərin medianın inkişafına nə kimi töhfə verəcəyini aydınlaşdırmağa çalışdıq.  

"Dünya Azərbaycan mətbuatında baş verən inkişaf tendensiyasını öyrənməyə çalışır”

"Səs” qəzetinin baş redaktoru Bəhruz Quliyevin sözlərinə görə, mediaya dövlət tərəfindən vəsaitin ayrılması medianın inkişafına böyük töhfə verir:
 

"Müxtəlif dövrlərdə mətbuatımız təpkilərə məruz qalıb, azad ola bilməyib. Ancaq, 1995-ci ildə konstitusiyamız hazırlananda öndərimiz Heydər Əliyevin rəhbərliyi ilə azad mətbuatın hüquqi normativ aktı müəyyənləşdi, yəni hüquqi baza formalaşdı və mətbuatımız inkişaf yoluna qədəm qoydu. Prezidentimiz İlham Əliyevdə həmin ənənəni davam etdirir. 2009-cu ildə "KİV-ə dəstək fondu”-nun yaranması mətbuatın inkişafı ilə yanaşı, eyni zamanda müxaliflərin də fərdi olaraq inkişafına töhfə verdi. Jurnalistlərin mənzil ilə təmin olunması dünyada yeni bir model olaraq təqdim olundu. Bu gün dünya Azərbaycan mətbuatında baş verən inkişaf tendensiyasını öyrənməyə çalışır. "

"Mediaya vəsaitlərin ayrılması sadəcə onları susdurmaq üçündür”

"Azadlıq” qəzetinin redaktoru Rövşən Hacıbəyli isə bildirir ki, dövlət mediaya pul ayıraraq mətbuatın  inkişafına yardımçı olmur, əksinə bununla onları susdurmağa çalışır:
 

"Mətbuata dövlət dəstəyi başlayandan bəri müstəqil mətbuat sıradan çıxdı, hakimiyyətyönlü mətbuat daha çox hakimiyyətə işləməyə başladı, üstəlik müxalifyönlü mətbuat da sıradan çıxarıldı. Gəncə hadisələrində biz bunun şahidi olduq. Gəncə hadisələri zamanı orada demək olar ki, heç bir media qurumunun əməkdaşı iştirak etmirdi. Əvvəldən hər kəsə bəlli idi ki, Gəncədə hadisə baş verəcək. İstənilən normal ölkədə elan olunmuş hadisə yerinə media qurumunun əməkdaşları gedib kameralar quraşdırmalı idi. Lakin bu baş vermədi. Çünki üzdə olan bütün media qurumları hakimiyyətin yanında olan media qurumlarıdır. Digər media qurumları da sıradan çıxarılıb. Yəni mediaya vəsaitlərin ayrılması, jurnalistlərin mənzillə təmin olunması sadəcə medianı susdurmaq üçün edilir.”

"Müstəqil media qurumları düşünür ki, dövlətdən vəsait alan medialar gerçəyi yazmır”

Media məsələləri üzrə ekspert Qulu Məhərrəmli isə iddia edir ki, mediaya ayrılan maddi yardımlar mahiyyət etibarı ilə medianın inkişafına yardımçı olmur, əksinə onları müəyyən dərəcədə çərçivəyə salır:
 

"Bəzi media qurumları deyir ki, dövlət bizə yardım edir ki, biz inkişaf edək. Amma müstəqil media qurumları düşünür ki, dövlətdən vəsait alan medialar gerçəyi yazmır, cəmiyyətə keyfiyyətli informasiya vermir.”
Bu günə qədər Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna (KİVDF) 35 milyon manat ayrılıb.

Humay Hacılı
Toplum.Tv


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo