Siyasət

Müsavat fəalı ev dustaqlığına buraxılmayıb

27 Dekabr, 2018
928
Litvada siyasi mühacir olan, ağır xəstə olan atasına baş çəkmək üçün Bakıya gəlib burada həbs edilən Müsavat Partiyasının fəalı Azad Həsənovun ev dustaqlığına buraxılması üçün onun vəkili Osman Kazımov məhkəməyə vəsatət vermişdi. Dekabrın 26-da Xətai Rayon Məhkəməsində həmin vəsatətə baxılıb və təmin olunmayıb.

A.Həsənovun vəkili Osman Kazımov bildirib ki, Müsavat fəalı haqqında həbs-qətimkan tədbiri seçilməsinə dair qərarda onun azadlıqda qalarsa, istintaqdan yayınmaq, şahidlərə, sübutlara təsir göstərmək ehtimalı göstərilib. Vəkilin sözlərinə görə, demək olar ki, istintaq yekunlaşır. Amma yenə də istintaq orqanı A.Həsənovun ev dustaqlığına buraxılmasına etiraz edib.

A.Həsənov oktyabrın 10-da Vilnusdan Bakıya gəlib. Ailə üzvlərinin dediyinə görə, o, sərhədi problemsiz keçib, günortaya qədər atasıyla birlikdə olub. Sonra özlərini polis kimi təqdim edən mülki geyimli şəxslər Həsənovu zorla avtomobilə oturdaraq qeyri-müəyyən istiqamətə aparıb.

A.Həsənova qarşı Cinayət Məcəlləsinin 234.4.3 (satış məqsədilə külli miqdarda narkotik, psixotrop maddə əldə etmə, daşıma, saxlama) maddəsilə ittiham irəli sürülüb. Xətai Rayon Məhkəməsinin qərarıyla onun barəsində 4 ay müddətinə həbs-qətimkan tədbiri seçilib.

Bu maddədə 5 ildən 12 ilə qədər azadlıqdan məhrumetmə cəzası var.

Müsavat Partiyası fəalın saxlanmasını hakimiyyətin qisasçılıq və repressiya siyasətinin davamı kimi qiymətləndirib.

A.Həsənov 2003-cü ildən Müsavat Partiyasının fəal üzvüdür. O, 2014-cü ilin fevralından mühacirətdədir, ailəsi ilə birgə Litvada siyasi sığınacaq alıb.

Vəkili bildirib ki, A.Həsənov özünü təqsirli bilmir. Üzərindən tapıldığı iddia olunan narkotikin ona məxsus olmadığını, cibinə atıldığını deyir: "O, heç siqaret çəkmir, narkotikdən uzaq adamdır”.

A.Həsənov siyasi baxışlarına, sosial şəbəkələrdəki tənqidlərinə görə cəzalandırıldığını düşünür.

Meydan Tv


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo