14:17, 28 Fevral 2019 (Cümə axşamı) 510

Neft Fondunun gəlirləri açıqlanıb

Neft Fondunun gəlirləri açıqlanıb
«Neftin qiymətinin nəzərdə tutulandan daha yüksək olması nəticəsində Azərbaycan Dövlət Neft Fondunun (ADNF) 2018-ci il büdcəsində 6.2 milyard manat profisit yaranıb. Fondun aktivləri təqribən 7.6 faiz artaraq 38.5 milyard dollara yüksəlib».

Bunu AZƏRTAC-a müsahibəsində Neft Fondunun icraçı direktoru Şahmar Mövsümov deyib. O vurğulayıb ki, fondun mənfəət nefti və qazın satışı ilə bağlı ötən ilki gəlirləri 9.8 milyard dollar olub.

Neft Fondunun vəsaitləri illik artsa da, rüblük azalma var.

Ötən il oktyabrın 1-də onun aktivlərinin 38 mlrd. 987.7 mln. ABŞ dolları olduğu açıqlanmışdı.

Neft Fondu 2001-ci ildə fəaliyyətə başlayıb. O vaxtdan fonda 140 milyard dollar civarında vəsait daxil olduğu bildirilir. Həmin vəsaitin çox hissəsinin bir sıra yerli və beynəlxalq layihələrə, dövlət büdcəsinə transfertlərə getdiyi açıqlanıb.