18:49, 10 Yanvar 2021 (Bazar) 80

Putin Dağlıq Qarabağ münaqişəsi ilə bağlı müşavirə keçirib

Putin Dağlıq Qarabağ münaqişəsi ilə bağlı müşavirə keçirib
Vladimir Putin
FOTO: BBC
 
Rusiya prezidenti Vladimir Putin yanvarın 10-da Azərbaycan prezidenti İlham Əliyev və Ermənistanın baş naziri Nikol Paşinyanla görüş ərəfəsində Dağlıq Qarabağ münaqişəsinin nimzalanması ilə bağlı müşavirə keçirib.
 
Bu haqda Kremlin rəsmi saytı məlumat yayıb.

Müşavirədə Təhlükəsizlik Şurasının katibi Nikolay Patruşev, xarici işlər naziri Sergey Lavrov, müdafiə naziri Sergey Şoyqu, Federal təhlükəsizlik xidmətinin direktoru Aleksandr Bortnikov və xarici kəşfiyyat Xidmətinin rəhbəri Sergey Narışkin iştirak ediblər.

Görüşün detalları haqqında məlumat verilməyib.

Yanvarın 11-də Moskvada Rusiya və Azərbaycan prezidentləri və Ermənistan baş naziri görüşəcəklər. Görüşdə ötən il noyabrın 10-da müharibənin dayandırılması ilə bağlı imzalanan üçtərəfli bəyanatın icrasının, bölgədəki problemlərin həllində növbəti addımların müzakirə ediləcəyi bildirilir. Həmçinin hərbi əməliyyatlardan zərər görmüş region sakinlərinə yardım məsələləri, ticarət, iqtisadi və nəqliyyat əlaqələrinin bərpasına xüsusi diqqət yetiriləcəyi qeyd olunur.