Müsahibə

“Qadın elə bir varlıqdır ki, özünü anlasa dünyanı yerindən oynada bilər...”

28 Mart, 2019
2528
Pərvin Abbasov Slavyan Universitetinin 3-cü kurs tələbəsidir. 

Siyəzən rayonunda orta məktəbi bitirən Pərvin böyüdüyü mühitdə qadınlara qarşı zorakılığın şahidi olduğunu deyir. Və o, vaxtaşırı bu mövzuya şeirlərində və yazılarında toxunur. 

Toplum TV-yə müsahibəsində tələbə bildirib ki, şahidi olduğu bu münasibətə qarşı çıxmağı qarşısına məqsəd qoyub.

- Yaşadığı ərazinin bir qadının həyatında, azadlığında rolu varmı?
 
- Deməzdim ki, rayonda qadın hüquqsuzdur, böyük şəhərlərdə əksinə azaddır. Sadəcə insanın özündən asılıdır. İnsan düşdüyü yerdə öz azadlığını yaratmalıdır. Azadlıq mübarizədən doğur. Mübarizə yoxdursa, azad ola bilməzsən. Hər şey insanın öz düşüncəsindən asılıdır. Əgər bir qız diplomu cehiz kimi görürsə, onun oxumağı mənə gülməli gəlir, sadəcə vaxt itkisidir. Mənim rayonda qız dostlarım var. Normal düşüncəyə sahibdirlər, ən azı niyə var olduqlarını dərk edirlər. Onlar elə bir mühitdə böyüyüblər ki, rayonda qardaş bacının qoluna girməyə çəkinir. Qıraqdan deyərlər ki, sevgilisi var.
 
- Bu amilin hər hansı müsbət təsiri varmı?
 
- Ən azından ətrafında sənin düşüncənə hörmət edən adamlar olanda psixoloji zorakılığa məruz qalmırsan. Məsələn, sən gedib rayonda desən ki, jurnalist olmaq istəyirəm hamı sənə gülər, rişxənd edər. Çünki rayonda, kənddə kim efirə baxırsa, oradakı jurnalistlərə, müğənnilərə söyür. Amma Bakıda və ya böyük şəhərlərdə bu belə deyil. Beş nəfər mənfi bir şey desə, on nəfər müsbət qarşılayar. Rayonda fikrə hörmət yoxdur. Ən uzağı gülə bilərlər.
 
- Qadınlara qarşı bu münasibətin səbəbi nədir?
 
- Feminizm niyə yaranıb? Qarşı cinsə hörmətin olmaması ilə bağlı olaraq. Əgər bu olsa, heç bir hərəkata, filmə, əsərə ehtiyac qalmaz. Bunların niyə var olduğunu özüm də anlamıram. Gecə saat 9-da mən hər hansı qız dostumla çölə çıxsam, onun yerinə mən narahat oluram. Yəni bu düşüncə normal, insani düşüncə deyil. Normal düşüncə belə olmamalıdır, normal cəmiyyət belə olmamalıdır.
 
- Şahidi olduğunuz hər hansı bir zorakılıq hadisəsi varmı?
 
- Məktəb vaxtı Leyla adlı bir qız var idi. Ona hədiyyə almışdım. Hədiyyənin nə olduğu yadımda deyil. Çünki hadisəni hər zaman unutmaq istəmişəm... Bu məsələni atası bilmişdi. "Qızını döyməyən, dizini döyər” düşüncəsinin sahibi biri idi. 4-cü ya 5-ci sinifdə oxuyurduq. Qız döyülmüşdü, özü də gözlərimin önündə. Evdə də məni danlamışdılar. Əslində o yaşda bir uşağa deyiləcək sözlər deyildi. "Camaatın qızı” ifadəsi məndə ağır travma yaratmışdı. Ondan sonra da çox görmüşəm, istər hazırlıq vaxtı, istər məktəb vaxtı, hətta indinin özündə də... Bir qız fikir deyəndə, ona qarşı hörmət yoxdur. Söhbət edərkən adi fikrini desə, ancaq gülüş, lağ, rişxənd... "Siz qızsız” adı altında o qədər şeylər yatıb ki... Çünki müəyyən çərçivəyə salmaq istəyirlər. Qadın elə bir varlıqdır ki, özünü anlasa, dünyanı yerindən oynada bilər. Hər zaman soruşmuşam niyə, amma cavab tapa bilməmişəm. Bacardığım qədər hər zaman fikrimi deyib qarşı çıxmışam. Buna görə mənə hər cür adlar qoşublar. Qadına dəyər verməyi normal düşüncə kimi qəbul edə bilmirlər.


Saray Cəlilova
Toplum.tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo