10:57, 25 Dekabr 2020 (Cümə) 92

Qeyri-neft sektoruna 60 milyard manata yaxın investisiyanın yatırılacağı bildirilir

Qeyri-neft sektoruna 60 milyard manata yaxın investisiyanın yatırılacağı bildirilir
2021-2024-cü illərdə Azərbaycanın qeyri-neft sektoruna 58,818 mlrd. manat həcmində investisiya yatıracağı proqnozlaşdırılır.

Bu, 2021-ci il üçün büdcə zərfinə daxil olan "Azərbaycan Respublikasının 2021-ci il və növbəti 3 il üçün iqtisadi və sosial inkişaf konsepsiyası və proqnoz göstəriciləri"ndə əksini tapıb.

Qeyd edilir ki, 2021-ci ildə sözügedən sektora 11,449 mlrd. manat həcmində gözlənən investisiyaların həcminin 2022-ci ildə 12,079 mlrd. manat, 2023-cü və 2024-cü illərdə isə müvafiq olaraq 13,680 mlrd. manat və 15,610 mlrd. manat təşkil edəcəyi proqnozlaşdırılır.

Faktiki göstəricilərə gəldikdə, 2019-cu ildə qeyri-neft sektoruna yönəldilmiş investisiyaların həcmi 1,9% artaraq 11,695 mlrd. manat, 2020-ci ilin yanvar-noyabr aylarında isə 11% azalaraq 7,504 mlrd. manat olub.