16:32, 05 Avqust 2019 (Bazar ertəsi) 91

Rusiyada 3 fəal həbs edilib

Rusiyada 3 fəal həbs edilib


/ DÜNYA
Moskva məhkəməsi iyulun 27-də icazəsiz aksiyada iştirak etmiş üç fəal barəsində həbs qətimkan tədbiri seçib.

Bu barədə Azadlıq Radiosu xəbər verib.

İyulun 27-də saxlanmış onlarla etirazçı ya cərimələnib, ya da həbs olunub. Onlar icazəsiz aksiyanın təşkilində, yaxud onda iştirakda ittiham olunublar. Yürüşlər Moskva şəhər Dumasına 8 sentyabr seçkisinə müstəqil və müxalifət namizədlərinin qeydə alınmamasına etiraz olaraq keçirilib.

Avqustun 5-də Presnensky rayon məhkəməsi Sergei Abanichev, Daniil Konon və Vladislav Barabanov barəsində sentyabrın 27-dək həbs qətimkan tədbiri seçib.

"Kütləvi iğtişaşlarda iştirakda” suçlanan fəallar ittihamı rədd edirlər.

Ötən həftə altı fəal barəsində eyni ittihamla iki aylıq həbs qətimkan tədbiri seçilib. Fəallardan ikisinə polisə hücum ittihamı da irəli sürülüb.

Təqsirləri sübuta yetirilsə, fəalları səkkiz ilədək həbsə məhkum edilə bilərlər.