17:35, 22 Oktyabr 2019 (Çərşənbə axşamı) 490

Şagirdlərin yerdəyişməsi zamanı nazirliyin saytında problem yaşanıb

Şagirdlərin yerdəyişməsi zamanı nazirliyin saytında problem yaşanıb
Yaxın iki gün ərzində problemin həll olunacağı bildirilir.

Oktyabrın 21-dən etibarən şagirdlərin elektron yerdəyişməsi prosesi davam etdirilir. 

Bu barədə Təhsil Nazirliyi məlumat yayıb. 

Bildirilir ki, cari ildən etibarən şagirdlərin yerdəyişməsi elektron formada həyata keçirilir: "Şagird yerdəyişməsinin elektronlaşdırılması bu prosesdə məktəb və valideyn arasında olan məsafənin azaldılması, valideynin təhsil müəssisəsi ilə təmasının daha şəffaf şəkildə təşkilinə yardım edir".

Məlumata görə, 2019-cu il sentyabrın 15-dək şagirdlərin elektron yerdəyişməsi ilə bağlı ümumilikdə 54 830 müraciət daxil olub. 

Onlardan 53 955 şagirdin digər təhsil müəssisəsinə yerdəyişməsinə icazə verilib. 

875 sorğuya isə dil uyğunsuzluğuna, daxili müsabiqə keçirən lisey və məktəb-liseylərin müsabiqə nəticələrinə əsasən imtina edilib. 

Yerdəyişmə hazırda Bakıdaxili apırılır. 

Rayondan şəhərə, yaxud da əksinə məktəbi dəyişmək istəyənlər üçün isə saytda problem yaranıb. 

Nazirliyin mətbuat xidmətinin bildirdiyinə görə yaxın 2 gün ərzində yerdəyişmə digər şəhər və rayon məktəblərinə də şamil olunacaq.

Roza Məmmədova