Siyasət

Şahin Cəfərli: “Azərbaycan baza prinsiplərindən imtina etməlidir”

17 Oktyabr, 2020
422
"Məqsəd Türkiyəni qıcıqlandırmaqla ərazidə gedən hərbi əməliyyatlara cəlb etmək, bununla da Ermənistanın digər qüvvəllərdən hərbi yardım almasına nail olmaqdır”.

Politoloq Şahin Cəfərli Ermənistan baş naziri Nikol Paşinyanın "Liberation" nəşrinə müsahibəsini şərh edərkən belə deyir. 
Baş nazir Ermənistanın danışıqlara hazır olduğunu bildirir, ancaq danışıqların başlamamasında Türkiyəni suçlayır: "Çünki Türkiyə regionun yenidən formalaşdırılması və burada öz təsirinin yaradılması problemini həll edir”. 
Nikol Paşinyan deyir ki, Yerevan Azərbaycan və Türkiyənin regiondakı hərbi fəaliyyətinin qarşısını almaq üçün  Rusiyanın daha konkret addımlar atmasını gözləyir. O hesab edir ki, Rusiyanın regiona təsir mexanizmləri  ABŞ və Fransanın təsir imkanlarından daha çoxdur.
Azərbaycanlı politoloq isə hesab edir ki, Ermənistanın bugünlərdə Ordubadı hədəf alması, oranı raket zərbələrinə məruz qoyması təsadüfü deyildi, "Türkiyəni provakasiyaya çəkmək cəhdi idi”.

Ş.Cəfərlinin fikrincə, Türkiyənin regionda güclənmək istəməsi və bölgəyə olan marağı müharibə başlayandan Azərbaycana verdiyi dəstəkdə tam ifadə olunur. 
"Bu baxımdan son hadisələr göstərdi ki, Türkiyənin Azərbaycana yaxınlığı yalnız coğrafi deyil, həmçinin strateji mahiyyət daşıyır”.
Ş.Cəfərli eyni zamanda Ermənistanla Rusiyanın strateji əməkdaşlığına diqqət çəkir və qonşu ölkənin Moskvanın yaratdığı Kollektiv Təhlükəsizlik Müqaviləsi Təşkilatına üzvlüyünü də xatırladır. O deyir ki, bugünlərdə bölgədə atəşkəs bərpa olunmursa, deməli, burada söhbət yalnız Ermənistan və Azərbaycandan getmir, "güc mərkəzləri münaqişəni uzatmaqda maraqlıdır”.

Ş.Cəfərli vurğulayır ki, Azərbaycanın apardığı hərbi əməliyyatlar beynəlxalq hüqüq baxımından tam qanunidir, dinc əhaliyə qarşı törədilən terror hücumları isə bu əməliyyatların legitimliyini daha da artırır. O, münaqişənin nizamlanmasını ATƏT-in Minsk Qrupunun həmsədrlərinə həvalə etməyin tərəfdarı deyil. Hətta daha radikal addımlar atılmasının tərəfdarıdır.   
"Məsələnin həllini Minsk Qrupunun masasına həvalə etmək olmaz. Baza prinsipləri rədd edilməli, Azərbaycan Konstitusiyasının müddəaları əsasında bu problem öz qəti həllini tapmalıdır”.

Sentyabrın 27-dən Azərbaycanla Ermənistan arasında münaqişə alovlanıb, döyüşlər gedir. Azərbaycan Cəbrayıl, Füzuli şəhərlərini, Hadrutu, onlarla kəndi, əhəmiyyətli yüksəklikləri işğaldan azad etdiyini bildirir. 
Oktyabrın 10-da tərəflər humanitar atəşkəs haqda razılıq əldə etsələr də, tərəflər onun pozulmasında bir-birini ittiham edir.

Roza Məmmədova

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo