11:21, 14 Oktyabr 2019 (Bazar ertəsi) 68

Suriya Türkiyəyə qarşılıq vermək üçün şimal sərhədlərə qoşun yerləşdirir

Suriya Türkiyəyə qarşılıq vermək üçün şimal sərhədlərə qoşun yerləşdirir


/ DÜNYA
Suriya hökuməti artıq beş gündür "Barış bulağı” hərbi əməliyyatlarına başlayan Türkiyə ordusuna qarşılıq verməsi üçün ölkənin şimal sərhədlərinə doğru ordu göndərmək qərarına gəlib.

Bu barədə Suriyanın "SANA” agentliyi məlumat yayıb.

Bildirilir ki, ordu qüvvələri Hələbin şimalındakı Menbiçdə yerləşdiriləcək. Hərbçilərin Kobaniyə daxil olması üçün "Suriya kürdləri ilə Dəməşq arasında razılıq da əldə olunub”.

"Al Mayadeen” telekanalının bildirdiyinə görə, Suriya ordusu bazar günü Menbiçə daxil olub. Kürdlərdən ibarət silahlı bölmələr hökumət qüvvələrini öz postlarından şəhərə buraxıb.

Suriya ordusunun iki gün ərzində Türkiyə ilə sərhəddə iki böyük şəhəri nəzarətə götürəcəyi qeyd olunur. Söhbət Hələbin şərqindəki Menbiç və şimalındakı Kobani (Ayn-əl-Ərəb) şəhərlərindən gedir.