Sosial

TƏBİB: “Koronavirusla bağlı cavabların yubanması yüklənmələrlə bağlıdır”

31 Mart, 2020
2070
Adil Qeybulla: " Covid 19-la bağlı aparılan testlərin nəticələri dərhal çıxmalıdır"
 
"Demək olar ki, hər gün zəng edirdim. Davamlı olaraq TƏBİB-in (Tibbi Ərazi Bölmələrinin İdarəetmə Birliyi – red.) "Facebook” səhifəsinə yazırdım, "qaynar xətt”i yığırdım. Amma mənə nəticələrin çıxacağı vaxtı konkret demirdilər. Hamısı bir-birinin üstünə atırdı”, – bu sözləri bu il martın 15-də koronavirusla bağlı testdən keçmiş ictimai fəal Əbülfəz Qurbanlı deyir.
 
 

İnfeksiyaya yoluxub-yoluxmaması ilə bağlı testin cavabını ona 3 günə deyiblər. 

Ə.Qurbanlı cavab çıxan günə qədər böyük həyəcan və narahatlıq keçirdiyini bildirib: "Düzdür, sahə həkimi hər gün mənimlə maraqlanırdı. Başa düşürdüm ki, nəsə ciddi bir şey baş versə, mənə yardım edəcəklər. Amma adi bir testin cavabını niyə 3 günə versinlər axı?! İstəsələr, bir günə də verə bilərlər, 5-6 saata da”.

Əbülfəz Qurbanlı ona cavabın gec deyilməsini test nəticələrinin neqativ çıxması ilə əlaqələndirir. 

Onun qənaətincə, testin nəticəsi müsbət çıxsaydı, yəqin, dərhal müdaxilə edilər, karantinə alınardı. 

TƏBİB-in mətubat katibi Rəvanə Əliyevanın Toplum TV-yə dediyinə görə test cavabları əvvəllər 24 saat ərzində və ya 2 günə çıxırdısa, indi bir az ləngimələr ola bilər.

"Bunun da səbəbi labaratoriyalardakı yüklənmələrdən irəli gəlir. Amma nəticədə cavablar çıxır”, – deyə o, əlavə edir. 

Tibb elmləri doktoru Adil Qeybulla hesab edir ki, koronavirusla bağlı testlərin cavabları dərhal, ən geci bir neçə saat ərzində çıxmalı və lazımi tədbirlər görülməlidir: "Covid-19-la bağlı aparılan testlər express testlərdir. Bu testlər yayılmış xəstəliyin daşıyıcılarını tez zamanda müəyyən etmək üçündür. Yəni bu cür testlərin nəticəsi dərhal elan olunmalıdır”.

 
Adil Qeybullanın ehtimalına görə, ola bilsin ölkə üzrə statistikaya nəzarət etmək üçün testlərin nəticələri hər hansı bir mərkəzə göndərilir, ancaq bu da 24 saat çəkə bilər. 

Rəsmi məlumatda indiyədək Azərbaycanda 30 minə yaxın test aparıldığı, 4085 nəfərin karantində olduğu deyilir. 

Sosial şəbəkələrdə isə Covid-19-la bağlı aparılan test nəticələrinin gecikdirilməsi ilə əlaqədar yazılmış statuslara rast gəlinir. 

Şəbnəm Adil

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo