Siyasət

Ötən il 420 milyard dollarlıq silah və xidmət satılıb

9 Dekabr, 2019
356
2018-ci ildə silah və hərbi xidmətlər satışı sektorunun 100 ən böyük şirkəti 420 milyard dollarlıq alver edib və bu, bir il öncəylə müqayisədə 4,6 faizlik artım deməkdir. Bu siyahıya Çin şirkətləri daxil deyil.

AzadlıqRadiosu məlumat verir ki, Stokholm Beynəlxalq Sülh Araşdırmaları İnstitutu (SIPRI) dekabrın 9-da yeni reytinq açıqlayıb.
 
Reytinq 2002-ci ildən bəri ilk 100 şirkətin silah və hərbi xidmət satışında 47 faizlik artım baş verdiyini üzə çıxarıb.
 
Reytinq 2002-ci ildən hazırlanır və etibarlı dəyərləndirmə olmadığından Çin şirkətləri bu databazaya daxil deyil.

İlk 100-lükdə ABŞ şirkətləri dominantlıq edir. 2002-ci ildən bəri ilk dəfədir ki, ilk beşliyi ABŞ-da mənzillənən şirkətlər tutub: Lockheed Martin, Boeing, Northrop Grumman, Raytheon və General Dynamics.

5 şirkətin satışı 148 milyard dollardır

Bu beş şirkətin satışı 148 milyard dollar, yaxud ilk 100-lüyün payına düşənin 35 faizini təşkil edir. Ümumilikdə isə reytinqdəki ABŞ şirkətləri 246 milyard dollarlıq silah və xidmət satıb. Yəni ümumi reytinqin 59 faizi qədər.

2018-ci ildə ABŞ silah sənayesində böyük silah istehsalçıları arasında birləşmə tendensiyası nəzərə çarpıb. Məsələn, Northrop Grumman və General Dynamics 2018-ci ildə bir neçə milyard dollarlıq sövdələşmələr həyata keçiriblər.

SIPRI Rusiyanın 10 şirkətinin silah satışının sabit qaldığını bildirir. 36,2 milyard dollarlıq satış 2017-ci illə müqayisədə 0,4 faizlik azalmaq deməkdir.

İlk 100-lüyə düşən 10 Rusiya şirkəti üzrə fərqli tendensiyalar üzə çıxıb: beş şirkət silah satışında artım, qalan beşi isə azalma qeydə alıb. Rusiyanın ən böyük silah istehsalçısı olan Almaz-Antey ilk 10-luğa düşüb (9-cudur) və 100-lükdəki Rusiya şirkətlərinin ümumi silah satışının 27 faizi onun payına düşüb.

Fransa şirkətlərinin silah satışını gücləndirdiyi, Britaniya və Almaniya şirkətlərinin isə azaltdığı qeyd olunur.
 

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo