21:15, 02 Sentyabr 2019 (Bazar ertəsi) 113

Ticarət şəbəkələrində xərclənən pul 7 ayda 3.1 faiz artıb

Ticarət şəbəkələrində xərclənən pul 7 ayda 3.1 faiz artıb
Bakıda əhali 7 ayda ticarət şəbəkələrində 11 milyard manatdan çox pul xərcləyib.

2019-cu ilin yanvar-iyul aylarında Bakıda ticarət dövriyyəsinin həcmi 2018-ci ilin yanvar-iyul ayları ilə müqayisədə 3,1 faiz artaraq 11 milyard 533,2 milyon manat olub.

Məlumatı Trend yayıb.
Məlumata görə, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 3,4 faiz artaraq 5 milyard 267,7 milyon manata, qeyri-ərzaq məhsullarının həcmi isə 3,1 faiz artaraq 6 milyard 265,5 milyon manata bərabər olub.

İstehlak məhsullarının 27,9 faizi hüquqi şəxs statuslu müəssisələrdə, 46,1 faizi fərdi sahibkarlara məxsus ticarət obyektlərində, 26,0 faizi isə paytaxtın məhsul bazarlarında satılıb.